Breaking News
ऑनलाईन पद्धतीने कार्यक्रम संपन्न
नवी मुंबई : प्रवाशांना नेहमीच चांगल्या सुविधा देणार्या कोकण रेल्वे महामंडळाचा 30 वा स्थापना दिन 15 ऑक्टोबर रोजी कोव्हीड-19च्या पार्श्वभूमीवर साधेपणाने साजरा करण्यात आला. दरवर्षी कोकण रेल्वेच्या स्थापनादिनी महामंडळाच्या कार्यक्षेत्राअंतर्गत येणार्या उत्कृष्ट काम केलेल्या कर्मचार्यांना पुरस्कार देऊन गौरविण्यात येते. परंतु, यंदा करोनामुळे सदर कार्यक्रम ऑनलाईन पध्दतीने घेण्यात आल्याने या गुणवंत कामगारांचे पुरस्कार व प्रशंसा प्रमाणपत्रे जाहीर करण्यात आली. याप्रसंगी रेल्वे बोर्डचे चेअरमन तथा मुख्य कार्यकारी अधिकारी विनोद कुमार यादव, कोकण रेल्वेचे अध्यक्ष तथा मुख्य व्यवस्थापकीय संचालक संजय गुप्ता उपस्थित होते.
प्रवाशांच्या समाधानासाठी रेल्वेमंत्री उच्च दर्जाच्या सेवासुविधा देण्यावर लक्ष केंद्रित करत आहेत. तसचे त्यांच्या मार्गदर्शनाखाली प्रवाशांच्या रेल्वे सेवा सुधारण्यासाठी विविध उपक्रम राबविले जात आहेत. कोकण रेल्वेने मागील महिन्यात नेपाळ देशासाठी दोन डेमू रेक निर्यात केले आहेत. तसेच जम्मू-काश्मीर मधील चिनाब नदीवर उभारण्यात येत असलेल्या जगातील सर्वात उंच रेल्वे पुलाचे काम देखील प्रगतीपथावर सुरु आहे, अशी माहिती विनोद कुमार यादव यांनी यावेळी दिली. तसेच कोकण रेल्वे मार्गावरुन धावणार्या गाड्यांमधील खानपान सेवाही उत्कृष्ट आहे. कोचची देखभाल चांगल्या पध्दतीने केली जाते. वाहतुकीबाबतचे कोकण रेल्वेने इतर अभियांत्रिकी कामांवर विशेषत्वाने भर दिला असल्याचे सांगत भविष्यात कोकण रेल्वेवरील माल वाहतुकीतही वाढ होईल, असे विनोद यादव यांनी सांगितले. तसेच प्रवाशांना नेहमीच चांगल्या सुविधा पुरवल्याबाबत यादव यांनी कोकण रेल्वे प्रशासनाचे कौतुकही केले.
प्रांरभी कोकण रेल्वेचे अध्यक्ष तथा मुख्य व्यवस्थापकीय संचालक संजय गुप्ता यांनी कोकण रेल्वेवर सुरु असलेल्या विविध कामांची माहिती दिली. तसेच कोरोनाकाळातही कोकण रेल्वेची मालवाहतूक सुरु असून या काळात श्रमिक ट्रेन चालवण्यात आल्या. याशिवाय मंगलोर आणि रत्नागिरी येथून गेल्या वर्षांपासून नवीन कार्गो सुरु करण्यात आल्याचे संजय गुप्ता यांनी सांगितले. तसेच लॉकडाईनचा प्रभावीपणे उपयोग करुन महत्वाकांक्षी अशा कोकण रेल्वे मार्गावरील विद्युतीकरणाच्या कामाला गती दिली आहे. विद्युतीकरणाचे काम देखील अंतिम टप्प्यात आल्याचे गुप्ता म्हणाले.
रेल्वेची संपूर्ण टीम कोरोनाच्या संघर्षात पूर्णपणे जागरूक आहे आणि सुरक्षित कार्य आणि प्रवासाचे वातावरण सुनिश्चित करण्यासाठी सर्व प्रतिबंधात्मक उपाययोजना केल्या जात असल्याचे गुप्ता यांनी सांगितले.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai