Breaking News
दोन हजार 225 जादा बससेवांची घोषणा
मुंबई ः गणेशोत्सवासाठी कोकणात जाणार्या भाविकांसाठी एसटी महामंडळाने दोन हजार 225 जादा बससेवांची घोषणा केली आहे. रेल्वे गाड्या फुल होत असतानाच एसटीने जादा बसची ही सुविधा पुरवली आहे. ेदर वर्षीप्रमाणे या वर्षीही कोकणात जाणार्या गणेशभक्तांना एसटीकडून आठ ते 12 सप्टेंबर या काळात नेहमीच्या गाड्यांशिवाय जादा बस सोडण्यात येणार आहेत. त्यात एक ऑगस्टपासून ग्रुप बुकिंग आणि नऊ ऑगस्टपासून संगणकीकृत आरक्षण सुविधा उपलब्ध केली जाणार आहे.
गणेशोत्सवासाठी कोकणात जाणार्या भाविकांची संख्या मोठी आहे. खासगीप्रमाणेच रेल्वे गाड्याही या काळात फुल होत असतानाच एसटी महामंडळाने जादा बसगाड्या उपलब्ध केल्या आहेत. एक ऑगस्टपासून ग्रुप बुकिंगची सुविधा सुरू होणार असून त्यासाठी इच्छुक प्रवाशांनी प्रवाशांच्या यादीसह जवळच्या आगारात संपर्क साधण्याची सूचना महामंडळाने केली आहे.
आठ ते नऊ सप्टेंबर अशा पहिल्या टप्प्यात एसटी वाहतूक सुरळीत होण्यासाठी मुंबईसह उपनगरातील बसस्थानके व थांब्यांवर एसटीच्या वरिष्ठ अधिकार्यांच्या देखरेखीखाली कर्मचारी अहोरात्र कार्यरत राहणार आहेत. कोकणातील महामार्गावर ठिकठिकाणी वाहन दुरुस्ती पथके, प्रवाशांसाठी तात्पुरत्या स्वरूपाची स्वच्छतागृहे उभारली जातील. प्रवाशांनी प्रवासाची तारीख, वेळ ठरवून संबंधित आगारांशी संपर्क साधण्याचे आवाहन महामंडळातर्फे करण्यात आले आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai