Breaking News
पनवेल : सिडकोने नवीन गृहनिर्माण योजनांबरोबरच आपल्या पूर्वीच्या गृहनिर्माण योजनांमधील उर्वरित घरे उपलब्ध करून दिल्याने अनेकांचे नवी मुंबईमध्ये आपले हक्काचे घर घेण्याचे स्वप्त साकार होणार आहे, असे सिडकोचे व्यवस्थापकीय संचालक लोकेश चंद्र यांनी सिडकोच्या वास्तुविहार सेलिब्रेशन आणि उन्नती गृहनिर्माण योजनांतील उर्वरित 76 घरांच्या ऑनलाइन अर्ज नोंदणीचा शुभारंभ करताना काढले. गुरुवारी सिडको भवन येथे वास्तुविहार सेलिब्रेशन आणि उन्नती गृहनिर्माण योजनांतील उर्वरित 76 घरांच्या अर्ज नोंदणीचा शुभारंभ करण्यात आला.
या प्रसंगी सिडकोतील सहव्यवस्थापकीय संचालक-1 चे डॉ. प्रशांत नारनवरे, सहव्यवस्थापकीय संचालक-2 अशोक शिनगारे यांसह सिडकोतील विभाग प्रमुख, अधिकारी व कर्मचारी मोठ्या संख्येने उपस्थित होते. सिडकोतर्फे ऑनलाइन पद्धतीचा वापर केला जात असल्याने गृहनिर्माण योजनेशी संबंधित अर्ज नोंदणी ते सोडत व त्यापुढील छाननी प्रक्रियाही अत्यंत पारदर्शक पार पडण्यास मदत होत आहे, असेही लोकेश चंद्र यांनी सांगितले. या गृहनिर्माण योजनांपैकी वास्तुविहार सेलिब्रेशन गृहनिर्माण योजनेतील उर्वरित 45, तर उन्नती गृहनिर्माण योजनेतील उर्वरित 31, अशी एकूण 76 घरे (सदनिका) उपलब्ध करून देण्यात आली आहेत. वास्तुविहार सेलिब्रेशन योजनेतील घरे ही 1 आरके, 1 बीएचके आणि 2 बीएचके तर उन्नती गृहनिर्माण योजनेतील घरे ही 1 आरके व 1 बीएचके प्रकारातील आहेत. वास्तुविहार सेलिब्रेशन हे खारघरच्या निसर्गरम्य परिसरात विकसित करण्यात आलेले गृहसंकुल आहे. या गृहसंकुलापासून खारघर रेल्वे स्थानक हे नजीकच्या अंतरावर असून हा परिसर सर्व प्रकारच्या नागरी सोयीसुविधांनी युक्त आहे. उन्नती गृहसंकुल हे सद्यस्थितीत नवी मुंबईतील सर्वात वेगाने विकसित होणार्या उलवे नोडमध्ये आहे. नेरूळ-उरण रेल्वेमार्गावरील बामणडोंगरी रेल्वे स्थानकापासून नजीकच्या अंतरावर आहे. उन्नती गृहसंकुल परिसर हा जेएनपीटीसह प्रस्तावित नवी मुंबई आंतरराष्ट्रीय विमानतळ, मुंबई ट्रान्स हार्बर लिंक मार्ग आणि नेरूळ-उरण रेल्वे मार्गावरील प्रस्तावित तरघर रेल्वे स्थानक येथून नजीकच्या अंतरावर आहे. यासाठी सिडकोतर्फे हींींिी://श्रेींींशीू.लळवलेळपवळर.लेा ही वेबसाइट दिली आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai