रविवारी वाशीत शूटिंग व्हॉलीबॉल सामने

नवी मुंबई ः नेताजी व्हॉलीबॉल ग्रुप यांच्या वतीने राष्ट्रीय शूटिंग व्हॉलीबॉल सामन्याचे आयोजन रविवार, 9 फेब्रुवारी रोजी वाशी येथे करण्यात आले आहे. नेताजी व्हॉलीबॉल ग्रुपचे शंकरराव कुतवळ यांनी याविषयी माहिती दिली. 

वाशीतील नेताजी मैदान सेक्टर-1 येथे होणार्‍या शूटिंग व्हॉलीबॉल सामन्यांमध्ये पनवेल, गोवंडी, चेंबूर, ठाणे, मुलुंड तसेच नवी मुंबई परिसरातील असेे एकूण 25 व्हॉलीबॉल संघ सामील होणार आहेत. स्पर्धेत विजेता संघाला रोख रक्कम व स्मृतिचिन्ह देण्यात येणार आहे. प्रथम क्रमांकाच्या संघाला 10,000 हजार, द्वितीय क्रमांक संघाला 5,000 हजार रोख रक्कम व स्मृतीचिन्ह मान्यवरांच्या हस्ते देण्यात येणार आहे. या स्पर्धेत नामवंत व्हॉलीबॉलपटू सहभाग घेणार आहेत. त्यांचा खेळ पाहण्यासाठी नवी मुंबईकरांनी उपस्थित राहावे,  असे आवाहन ज्ञानेश्वर सांगळे व प्रमोद शिवपुजे यांनी केले आहे.