Breaking News
मुंबई : शासकीय कर्मचार्यांनाही ड्रेस कोड लागू करण्यात आला आहे. सरकारी कार्यालयात कोणते आणि कसे कपडे घालावेत याबाबतचे निर्देश सरकारने जाहीर केले आहे. त्यानुसार सरकारी कार्यालयात कर्मचार्यांनी जिन्स किंवा टी-शर्ट वापरण्यास बंदी घालण्यात आली आहे. यामुळे राज्य सरकारी कर्मचारी वर्गात काहीशी नाराजी असली तरीही सर्वसामान्यांनी मात्र, या निर्णयाचे स्वागत केले आहे.
शासकीय कर्मचार्यांकडून चांगल्या वागणुकीची तसेच व्यक्तीमत्वाची अपेक्षा सर्वसामान्य नागरिकांकडून करण्यात येते. या परिस्थितीत जर अधिकारी, कर्मचारी यांची वेशभूषा अशोभनीय, गबाळी तसेच अस्वच्छ असेल तर त्याचा अप्रत्यक्ष परिणाम कामकाजावर देखील होतो. या सर्व गोष्टींचा विचार करता मंत्रालय तसेच सर्व राज्य शासकीय कार्यालयातील अधिकारी, कर्मचार्यांचा कार्यालयातील दैनंदिन पेहराव कशा पद्धतीने असावा, या विषयी मार्गदर्शक सूचना देण्यात आल्या आहेत. यापुढे जीन्स आणि टी-शर्ट ला शासकीय कार्यालयात बंदीच असेल. राज्य सरकारतर्फे 8 डिसेंबरपासून हा अध्यादेश लागू करण्यात आला आहे.
राज्य सरकारच्या अंतर्गत येणारी सर्व कार्यालये, मंत्रालयाच्या अधिनस्त असलेली सर्व प्रकारच्या शासकीय कार्यालये या ठिकाणच्या सर्व कर्मचार्यांना हा आदेश लागू होणार आहे. राज्य शासनाचा कारभार पाहणारे सर्व कर्मचारी सरकारचे जनमानसातील प्रतिनिधी म्हणून पाहण्यात येतात या कार्यालयांमध्ये राज्यभरातील खासदार आमदार नगरसेवक लोकप्रतिनिधी सर्वसामान्य नागरिक भेट देतात. अशावेळी सर्व प्रकारचे अधिकारी कर्मचारी यांची वेशभूषा हा त्यांच्या व्यक्तिमत्त्वाचा अत्यंत महत्वाचा भाग म्हणून पाहिला जातो त्यामुळे हा निर्णय लागू घेण्यात आल्याचे प्रशासनाचे म्हणणे आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai