Breaking News
पहिल्याच दिवशी 195 कोरोना योध्यांचे लसीकरण
नवी मुंबई ः 16 जानेवारीपासून देशभरात कोव्हीड 19 लसीकरणाला सुरुवात झाली असून पहिल्या टप्प्यात 23 हजार 480 आरोग्यकर्मींची नोंद शासकीय कोवीन अॅपवर करण्यात आलेली आहे. पालिका आयुक्तांच्या मार्गदर्शनाखाली आरोग्य विभागाने लसीकरणाचे संपूर्ण नियोजन केले आहे. 3 फेब्रुवारीपासून दुसर्या टप्प्यातील लसीकरणाला सुरुवात करण्यात आली असून पहिल्याच दिवशी 195 फ्रन्टलाईन कर्मचार्यांना लसीकरण करण्यात आले आहे.
पहिल्या टप्प्यात कोव्हीड काळात आरोग्य विषयक सेवा देणार्या शासकीय व खाजगी आरोग्यकर्मी कोव्हीड योध्यांना लसीकरण केले जात आहे. आजपासून दुसर्या टप्प्यातील लसीकरणाला सुरुवात करण्यात आली असून यामध्ये पोलीस, सुरक्षा, स्वच्छता व कोव्हीड नियंत्रक कार्यवाहीत सहभागी असलेले इतर शासकीय, महानगरपालिका कर्मचारी अशा कोव्हीड काळात प्रत्यक्ष कृतिशील असणार्या फ्रन्टलाईन कर्मचार्यांचा समावेश आहे. अपोलो रुग्णालय बेलापूर, रिलायन्स हॉस्पिटल खैरणे एमआयडीसी व नमुंमपा सार्वजनिक रुग्णालय ऐरोली या तीन ठिकाणी असलेल्या लसीकरण केंद्रांवर प्रत्येकी 100 याप्रमाणे फ्रन्टलाईन कर्मचार्यांना लसीकरण करण्याचे नियोजन करण्यात आले. या तीन केंद्रांवर दुसर्या टप्प्याच्या पहिल्याच दिवशी 195 फ्रन्टलाईन कर्मचार्यांना लसीकरण करण्यात आले आहे. याशिवाय पहिल्या टप्प्यातील आरोग्यकर्मींचे नियमित लसीकरण सुरुच असून त्याकरिता 10 रुग्णालयांमध्ये 11 केंद्रे कार्यान्वित आहेत. 3 फेबु्रवारीला 14 केंद्रांवर एकूण 1293 आरोग्यकर्मींना लसीकरण करण्यात आले असून 16 जानेवारीपासून आत्तापर्यंत 7926 आरोग्यकर्मी व 195 फ्रंटलाईन वर्कर अशा एकूण 8121 कोरोना योध्यांना लसीकरण करण्यात आलेले आहे.
नवी मुंबई महानगरपालिकेकडे 15 जानेवारीला 21 हजार व त्यानंतर 19 हजार अशा एकूण 40 हजार कोव्हीड लस प्राप्त झाल्या असून नवी मुंबई महानगरपालिकेने लसींकरीता शीतसाखळी तयार केलेली आहे. ही लस अत्यंत सुरक्षित असून कोवीन पवर नोंदणी झालेल्या कोव्हीड योध्यांना लसीकरणाचा संदेश प्राप्त झाल्यानंतर त्यांनी त्यामध्ये नमूद लसीकरण केंद्रावर जाऊन लसीकरण करून घ्यावे असे आवाहन पालिका आयुक्त अभिजीत बांगर यांनी केले आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai