Breaking News
नवी मुंबई ः‘माझी वसुंधरा अभियान’ अंतर्गत पर्यावरण संरक्षण व संवर्धनाचा संदेश प्रसारित करण्यासाठी सायकलसारख्या इंधनविरहित पर्यावरणपूरक वाहनाचा वापर वाढवून प्रदूषणाला प्रतिबंध घालण्याचा संदेश प्रसारित करण्यासाठी नवी मुंबई महानगरपालिकेच्या वतीने नवी मुंबई सायक्लोथॉन 2021 चे आयोजन करण्यात आले आहे. सदर सायक्लोथॉन 21 फेब्रुवारी रोजी आयोजित करण्यात येत असल्याचे जाहीर करण्यात आले होते, तथापि काही तांत्रिक अडचणींमुळे ही सायक्लोथॉन 21 ऐवजी 28 फेब्रुवारी रोजी सकाळी 7 वा. होणार आहे याची कृपया नोंद घेण्यात यावी असे आवाहन करण्यात येत आहे.
नवी मुंबईचा क्विन नेकलेस मानल्या जाणार्या पामबीच रोडवर 21 फेब्रुवारी रोजी सकाळी 7.00 वाजता नवी मुंबई सायक्लॉथॉन 2021 ची सुरूवात महानगरपालिका मुख्यालय इमारतीच्या प्रवेशव्दाराजवळून होणार असून वाशीच्या दिशेने मोराज सर्कल, सानपाडा इथपर्यंत जाऊन पुन्हा महानगरपालिका मुख्यालय प्रवेशव्दारासमोर सांगता होणार आहे.
11 वर्षावरील नागरिकांकरिता या सायक्लोथॉनमध्ये सहभाग खुला असून यामध्ये सहभागी होऊ इच्छिणार्या व्यक्तींनी https://forms.gle/GHZv1CGXaxrepj7 या संकेतस्थळावर आपल्या नावाची 22 फेब्रुवारीपर्यंत नोंदणी करणे गरजेचे आहे. यापूर्वी 21 तारखेसाठी नोंदणी केलेल्या नागरिकांनी पुन्हा नव्याने नोंदणी करण्याची गरज नाही.
सायक्लोथॉनमध्ये सहभागी होणार्या प्रत्येक व्यक्तीला माझी वसुंधरा अभियानाचे आकर्षक टी-शर्ट व कॅप महानगरपालिकच्या वतीने देण्यात येणार आहे. तरी सायक्लोथऑनमध्ये सहभागी होण्याकरिता नोंदणी केलेल्या व्यक्तींनी 28 फेब्रुवारी 2021 रोजी, सकाळी 6.00 वाजता महानगरपालिकेच्या मुख्यालयासमोरील सायक्लोथॉन प्रारंभस्थळाठिकाणी उपस्थित राहणे आवश्यक आहे. ही सायक्लॉथ़ॉन यशस्वीरित्या पूर्ण करणार्या सहभागींना मेडल देऊन गौरविण्यात येणार आहे. तरी माझी वसुंधरा अभियानांतर्गत 28 फेब्रुवारी रोजी आयोजित करण्यात आलेल्या नवी मुंबई सायक्लॉथॉन 2021 मध्ये कोविड-19 विषयक मार्गदर्शक तत्वांचे पालन करत यामध्ये जास्तीत जास्त नागरिकांनी सहभागी व्हावे, असे आवाहन महापालिका आयुक्त अभिजीत बांगर यांनी केले आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai