Breaking News
नवी मुंबई ः ए.पी.एम.सी. मार्केटमध्ये कोव्हीड नियमांचे पालन व्हावे याकडे बारकाईने लक्ष देण्यात येत असून महापालिका आयुक्त अभिजीत बांगर यांचे निर्देशानुसार शुक्रवारी रात्री 12 पासून सकाळी 5 वाजेपर्यंत पालिकेच्या वतीने भाजीपाला मार्केमध्ये धडक मोहिम राबविण्यात आली. या मोहिमेत एकूण रुपये 62 हजार 300 इतका दंड वसूल करण्यात आला.
कोरोना प्रादुर्भावाचे जोखमीचे क्षेत्र असणार्या ए.पी.एम.सी. मार्केटमध्ये पालिकेच्या वतीने पाचही मार्केटमध्ये मार्केटच्या वेळांनुसार कोव्हीड टेस्टींग सेंटर्स सुरु आहेत. ए.पी.एम.सी. मार्केटमध्ये कोव्हीड नियमांचे पालन व्हावे याकडे बारकाईने लक्ष देण्यात येत असून महापालिका आयुक्त अभिजीत बांगर यांचे निर्देशानुसार शुक्रवारी रात्री 12 पासून सकाळी 5 वाजेपर्यंत पालिकेच्या वतीने भाजीपाला मार्केमध्ये धडक मोहिम राबविण्यात आली. या मोहिमेत एकूण रुपये 62 हजार 300 इतका दंड वसूल करण्यात आला. त्यामध्ये 115 व्यक्तींकडून मास्क न वापरल्याबद्दल 57 हजार 500 इतकी दंडात्मक रक्कम वसूल करण्यात आली. त्याचप्रमाणे सोशल डिस्टन्सिंगच्या नियमांचे उल्लंघन करणार्या 24 व्यक्तींकडून 4 हजार 800 इतका दंड वसूल करण्यात आला. उपआयुक्त राजेश कानडे व तुर्भे विभागाचे सहाय्यक आयुक्त सुबोध ठाणेकर यांच्या नियंत्रणाखाली तुर्भे विभाग कार्यालयातील कर्मचारी व ए.पी.एम.सी. मार्केट करीता नियुक्त विशेष दक्षता पथकांमधील 48 कर्मचारी व 14 पोलीस यांच्या सहभागाने ही धडक मोहिम पार पडली.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai