Breaking News
पालकमंत्री एकनाथ शिंदे यांच्या हस्ते शुभारंभ
नवी मुंबई ः ऐरोली विभागातील नागरी कामांचे लोकार्पण सोमवारी ठाणे जिल्हाचे पालकमंत्री व नगरविकास मंत्री एकनाथ शिंदे यांच्या हस्ते करण्यात आले. यामध्ये चिंचपाडा येथील बायोगॅस आणि वीजनिर्मिती प्रकल्पाचे लोकार्पण, कोविड केअर केंद्राचे उद्घाटन, दिघा गावातील भूखंडावरील जलकुंभ आणि मल:उदचन केंद्राचे भूमीपूजन करण्यात आले. त्याचबरोबर डॉ.बाबासाहेब आंबेडकर भवनच्या कामाची पाहणी करण्यात आली.
ऐरोलीतील चिचंपाडा या झोपडपट्टीत विभागात माजी विरोधी पक्षनेते विजय चौगुले यांच्या माध्यामातून झोपडपट्टी विभागात कोविड सेंटर उभे करण्यात आले. या सेंटरची क्षमता एकूण 100 बेडची असून त्यापैकी सुमारे 17 बेडवर आयसीयू व व्हेंटिलेटरची आणि अन्य सर्वच बेडवर ऑक्सिजनची सुविधा उपलब्ध करून देण्यात आली आहे. लहान मुलांसाठी विशेष आयसीयू वॉर्डही या रुग्णालयात तयार करण्यात आले आहे. या सेंटरच्या माध्यामातून ऐरोली आणि दिघा परिसरातील झोपडपट्टीवासियांना सुपर स्पेशालिटी रुग्णालयाच्या धरतीवर वैद्यकीय उपचार मिळणार आहेत. दिघा गावातील भूखंडावरील जलकुंभ आणि मल:उदचन केंद्राचे भूमीपूजनही शिंदे यांच्या हस्ते स्थानिक लोकप्रतिनिधींच्या उपस्थिती पार पडले. नागरी कामांच्या लोकार्पणाप्रसंगी ठाण्याचे खासदार राजन विचारे, नवी मुंबई महानगरपालिकेचे माजी विरोधी पक्षनेते विजय चौगुले, माजी नगरसेवक नवीन गवते, शिवसेना जिल्हाप्रमुख द्वारकानाथ भोईर, ज्येष्ठ शिवसैनिक विठ्ठल मोरे, ममित चौगुले सर्व स्थानिक पदाधिकारी आणि कार्यकर्ते उपस्थित होते.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai