जिल्हाधिकार्‍यांची जिल्हा सामान्य रुग्णालयास भेट

आरोग्य यंत्रणेच्या तयारीचा घेतला आढावा

अलिबाग : कोविडच्या संभाव्य तिसर्‍या लाटेच्या पार्श्‍वभूमीवर जिल्हाधिकारी डॉ.महेंद्र कल्याणकर यांनी 30 ऑगस्ट रोजी जिल्हा सामान्य रुग्णालय, अलिबाग येथे प्रत्यक्ष भेट दिली व येथील कामकाजाचा तसेच अडचणींचा आढावा घेतला.

तज्ञांच्या मते कोविडची संभाव्य तिसरी लाट उद्भवू शकते. या पार्श्वभूमीवर जिल्हा आरोग्य यंत्रणेने खबरदारीच्या उपाययोजनांबाबत नेमकी काय तयारी केली आहे, या तयारीच्या अनुषंगाने आणखी काय उपाययोजना करणे आवश्यक आहे, ऑक्सिजन पुरवठाबाबत काय तयारी आहे, आरोग्य यंत्रणेच्या काय अडचणी आहेत, या सर्व बाबींचा सविस्तर आढावा जिल्हाधिकारी डॉ. महेंद्र कल्याणकर यांनी या पाहणी दरम्यान घेतला. यावेळी जिल्हा शल्यचिकित्सक डॉ.सुहास माने,अतिरिक्त जिल्हा शल्य चिकित्सक डॉ.अनिल फुटाणे, उपजिल्हाधिकारी सर्जेराव मस्के-पाटील, तहसिलदार विशाल दौंडकर, अलिबाग तहसिलदार सचिन शेजाळ, निवासी वैद्यकीय अधिकारी डॉ.गजानन गुंजकर,आरटीपीसीआर लॅबच्या समन्वयक डॉ.शितल जोशी घुगे, मेट्रन भोपी आदी उपस्थित होते.