95 टक्के नागरिकांनी घेतला पहिला डोस नवी मुंबई ः महानगरपालिकेच्या वतीने कोव्हीड लसीकरणावर भर दिला जात असून आत्तापर्यंत 10 लक्ष 3 हजार 71 नागरिकांनी म्हणजेच 95 टक्के नागरिकांनी कोव्हीड लसीचा पहिला डोस घेतला आहे आणि 4 लक्ष 58 हजार 195 म्हणजे 43 टक्के नागरिकांनी कोव्हीडचे दोन्ही डोस घेतले आहेत. लोकसंख्येच्या तुलनेत लसीकरणाचे हे प्रमाण इतर मोठ्या शहरांच्या तुलनेत सर्वाधिक आहे. सप्टेंबर महिन्यात कोव्हीड लसीचा साठा मोठ्या प्रमाणावर उपलब्ध झाल्याने 100 इतक्या मोठ्या प्रमाणात लसीकरण केंद्रे कार्यान्वित करीत महापालिका आयुक्त अभिजीत बांगर यांच्या निर्देशानुसार जास्तीत जास्त नागरिक लसीकरणाव्दारे संरक्षित करण्यावर भर देण्यात आलेला आहे. सप्टेंबर महिन्याच्या 20 दिवसात 1 लक्ष 46 हजार 627 नागरिकांनी पहिला डोस तसेच 1 लक्ष 20 हजार 439 नागरिकांनी दुसरा डोस घेतला असून एकूण 2 लक्ष 67 हजार 66 इतके डोस देण्यात आलेले आहे. विशेष म्हणजे 8 सप्टेंबर रोजी 34112 इतक्या मोठ्या संख्येने एका दिवसातील विक्रमी लसीकरण झालेले आहे. विविध सेवा क्षेत्रात कार्यरत असणार्या व्यक्तींसाठी विशेष लसीकरण सत्रांचे 25 जूनपासून आयोजन करण्यात येत आहे. 18 हजार 391 पोटॅशिअल सुपरस्प्रेडर्स व्यक्तींचे प्राधान्याने कोव्हीड लसीकरण करण्यात आलेले आहे. कोणताही समाजघटक लसीकरणापासून दुर्लक्षित राहू नये याची विशेष काळजी घेत बेघर, निराधार नागरिक तसेच तृतीयपंथीय, रेडलाईट एरिया व दुर्गम दगडखाणी क्षेत्रातील नागरिकांसाठीही लसीकरणाच्या विशेष सत्रांचे आयोजन करण्यात आले आहे. यामध्ये 594 व्यक्तींचे लसीकरण करण्यात आलेले आहे. 323 बेडरिडन रूग्णांचे त्यांच्या घरी जाऊन लसीकरण करण्यात आलेले आहे. याशिवाय विविध वृध्दाश्रमांतील 381 व्यक्तींचेही कोव्हीडलसीकरण करण्यात आलेले आहे.त्यासोबत 273 गरोदर महिला व 176 स्तनदा मातांनीही विशेष कोव्हीड लसीकरण सत्राचा लाभ घेतलेला आहे. त्याचप्रमाणे, शासकीय निर्देशानुसार 669 शालेय शिक्षकांचेही लसीकरण करण्यात आलेले आहे.
आतापर्यंतचे लाभार्थी मेडिकल स्टोअर्स मधील कर्मचारी 739 रेस्टॉरन्टमधील कर्मचारी 5763 सलून / ब्युटी पार्लर मधील कर्मचारी 1254 पेट्रोल पंप वरील कर्मचारी 424 स्वच्छता, स्वयंपाक व इतर घरकाम करणारे कामगार 2820 रिक्षा - टॅक्सी चालक 4362 सोसायटी वॉचमन 2538 घरगुती गॅस वितरण कर्मचारी 234 टोल नाका वरील कर्मचारी 257 एकूण 18391
रिपोर्टर
Aajchi Navi Mumbai
The Reporter specializes in covering a news beat, produces daily news for Aajchi Navi Mumbai News
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai