Breaking News
नवी मुंबई : नवी मुंबईतही सोनसोखळी चोरट्यांचा सुळसुळाट झाल्याचे पाहायला मिळत आहे. गत महिन्यात एकाच दिवशी सकाळी एका तासात नेरुळ ते सानपाडा परिसरात चार सोनसाखळी चोरीच्या घटना घडल्या होत्या. यातील दोन चोरट्यांना जेरबंद करण्यात नवी मुंबई पोलिसांना यश आलं आहे. या चोरट्यांनी तब्बल 18 गुन्हे केल्याचे पोलिसांच्या तपासात उघड झालं आहे. त्यांच्याकडून 145 ग्रॅम वजनाचे 4 लाख 35 हजार रुपये किंमतीचे सोन्याचे दागिने व 1 लाख रुपये किंमतीची बजाज केटीएम मोटारसायकल असा 5 लाख 35 हजार रुपये किंमतीचा मुद्देमाल हस्तगत केला आहे.
गत 26 ऑगस्टर रोजी नेरुळ व सानपाडा पोलीस ठाण्याच्या हददीत सकाळी पावणे सहा ते सात या एक तासाच्या कालावधीत 4 चैन स्नॅचिंगच्या घटना घडल्या होत्या. त्यामुळे नागरिकांच्या मनामध्ये भितीचे वातावरण निर्माण झाले होते. नवी मुंबई पोलीस सोनसाखळी चोरीच्या घटनांचा उलगडा करत होते. त्यासाठी ते शहरातील विविध भागांमध्ये असलेल्या सीसीटीव्ही फुटेजची पाहणी करत होते. यावेळी एकाच आरोपीने तब्बल 6 गुन्हे केल्याचं कॅमेर्यात निषपन्न झालं. पोलिसांनी आरोपीचा छळा लावण्यासाठी तापासाला सुरुवात केली. यावेळी आरोपी हा गोवंडी परिसरात राहत असल्याची माहिती पोलिसांना मिळाली. यातील आरोपी विजय दिपक चव्हाण (20) हा 12 सप्टेंबर रोजी वाशी परिसरात येणार असल्याची माहिती मिळाल्यानंतर गुन्हे शाखेने वाशी टोल नाका येथे सापळा लावून त्याला अटक केली. त्यानंतर गुन्हे शाखेने त्याची चौकशी केली असता, त्याने गोवंडी येथे रहाणार्या अल्पवयीन साथीदारासह सदरचे गुन्हे केल्याची कबुली दिली. तसेच त्यांनी मुंबई परिसरात पवई व पोळी पोलिस ठाण्याच्या हददीत देखील 22 ऑगस्ट रोजी 2 चैन स्नॅचिंगचे गुन्हे केल्याची कबुली दिली. त्यानंतर गुन्हे शाखेने त्याच्याकडून 145 ग्रॅम वजनाचे 5 लाख 35 हजार रुपये किंमतीचे सोन्याचे दागिने व त्याने ग्ह्यासाठी वापरलेली बजाज केटीएम मोटारसायकल हस्तगत केली.
आरोपी विजय चव्हाण याच्या विरोधात देवनार, गोवंडी व मानखुर्द या पोलीस ठाण्यात घरफोडी, चोरी, तसेच जबरी चोरीचे 5 गुन्हे दाखल आहेत. तर त्याच्या अल्पवयीन साथिदारावर घरफोडी, चोरी व जबरी चोरी अशा प्रकारचे एकूण 7 गुन्हे दाखल आहेत.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai