दिवा-रोहा, दिवा-पेण मेमू विशेष गाड्या सुरू

दिवा-रोहा, दिवा-पेण मेमू विशेष गाड्या सुरू

by Aajchi Navi Mumbai
Oct 30, 2021
286

मुंबई : मध्य रेल्वे प्रशासनाने शुक्रवार, (ता.29) पासून दिवा- रोहा सेक्शनमधील दिवा-रोहा , दिवा-पेण अनारक्षित विशेष मेमू सेवा पुढील सुचनेपर्यंत पूर्ववत करण्याचा निर्णय घेतला आहे. दिवा-रोहा मेमू दररोज चालविण्यात येणार आहे. तर, दिवा-पेण शनिवार-रविवार सोडून इतर पाचही दिवस धावणार आहे.

गाडी क्रमांक 01346 विशेष रोहा येथून पहाटे 5.15 वाजता सुटेल आणि दिवा जंक्शन येथे सकाळी 7.45 वाजता पोहचेल. गाडी क्रमांक 01347 विशेष दिवा जंक्शन येथून सकाळी 8.45 वाजता सुटेल आणि रोहा येथे सकाळी 11.05 वाजता पोहोचेल. गाडी क्रमांक 01348 विशेष रोहा येथून दुपारी 4.15 वाजता सुटेल आणि दिवा जंक्शन येथे सायंकाळी 6.45 वाजता पोहोचेल.

गाडी क्रमांक 01349 विशेष दिवा जंक्शन येथून रात्री 8 वाजता सुटेल आणि रोहा येथे रात्री 10.30 वाजता पोहोचेल. दिवा-पेण अनारक्षित विशेष मेमू आठवड्यातून पाच दिवस, शनिवार अणि रविवार सोडून चालविण्यात येईल. गाडी क्रमांक 01351 विशेष दिवा जंक्शन येथून सायंकाळी 6.45 वाजता सुटेल आणि रात्री 8.25 वाजता पेण येथे पोहोचेल. गाडी क्रमांक 01352 विशेष पेण येथून सकाळी 7.30 वाजता सुटेल आणि दिवा जंक्शन येथे सकाळी 9.10 वाजता पोहोचेल. गाडी क्रमांक 01355 विशेष दिवा जंक्शन येथून सकाळी 11.20 वाजता सुटेल आणि दुपारी 12.55 वाजता पेण येथे पोहोचेल.

गाडी क्रमांक 01356 विशेष पेण येथून दुपारी 1.55 वाजता सुटेल आणि दिवा जंक्शन येथे दुपारी 3.50 वाजता पोहोचेल. या अनारक्षित विशेष मेमू सेवा, जेथे नियमित मेमू सेवा थांबत होत्या, त्या सर्व स्थानकांवर थांबतील. ज्या नागरिकांचे कोरोना लसीचे दोन डोस झाल्यानंतर 14 दिवसांच्या कालावधीनंतर सार्वत्रिक पाससह कोविड-19 बाबत राज्य आणि केंद्र शासनाचे सर्व नियम, मास्क घालणे अनिवार्य आहे, असे मध्य रेल्वे प्रशासनाकडून सांगण्यात आले आहे.