Breaking News
भूमिपुत्र मेळाव्यात प्रकल्पग्रस्तांचा निर्धार
नवी मुंबई ः नवी मुंबई आंतरराष्ट्रीय विमानतळाच्या नामकरणावर प्रकल्पग्रस्त ठाम असून यासाठी दुसर्या सत्राचे आंदोलन उभारणाचा निर्धार त्यांनी सोमवारी आयोजित केलेल्या भुमिपुत्र मेळाव्यात केला आहे. या आंदोलनाची दिशा 01 जानेवारी 2022 रोजी पत्रकार परिषदेद्वारे जाहीर करण्यात येणार आहे. दि.बा.पाटील यांचे नाव विमानतळाला दिले जात नाही तोपर्यंत हा लढा सुरू ठेऊ अस स्पष्ट इशारा यावेळी देण्यात आला.
नवी मुंबई आंतरराष्ट्रीय विमानतळाला दि.बा.पाटील यांचे नाव देण्यासाठी स्थापन झालेल्या सर्वपक्षीय कृती समितीच्या आंदोलनाच्या दुसर्या सत्राची जनजागृती करण्यासाठी वाशी येथील विष्णुदास भावे नाट्यगृहात भूमिपुत्रांचा मेळावा मंगळवारी आयोजित करण्यात आला होता. यावेळी बोलताना शिखर समितीचे अध्यक्ष दशरथ पाटील म्हणाले दीर्घकाळ चालणार्या लढ्यात कार्यकर्त्यांना थोडी विश्रांती दयावी लागते त्यानुसार, आंदोलन स्थगित केले होते त्याचा आंदोलन थांबले वा संपले असा कोणीही अर्थ लावून नये असे सांगत आंदोलनाबाबत वावढ्या उठविणार्यांना इशारा दिला. दुसर्या टप्प्याच्या आंदोलनासाठी ठाणे, कल्याण -डोंबिवली, पालघर, भिवंडी, अलिबाग, मुबंई आदी ठिकाणी बैठका होण्यासाठी त्या-त्या स्तरावर समन्वय समित्यांची स्थापना करण्यात आल्या आहेत, याचाच भाग म्हणून सोमवारी नवी मुंबई महानगर पालिका क्षेत्र समन्वय समितीच्या संयोजनाखालीहा भूमिपुत्र मेळावा संपन्न झाला. सर्व विभागवार भूमिपुत्र प्रकल्पग्रस्तांच्या बैठका घेऊन त्यांची मते जाणून घेण्यात येतील. ह्या सर्व मेळाव्यांनंतर त्यानंतर 13 जानेवारी दि.बा.पाटील यांच्या जयंती दिनी विमानतळाच्या जागेवरच होणार्या विमानतळ नामकरण परिषदेबाबतच्या दुसर्या टप्प्याच्या आंदोलनाची दिशा येत्या 01 जानेवारी 2022 रोजी पत्रकार परिषद घेऊन जाहीर करण्यात येईल असे दशरथ पाटील त्यांनी सांगितले. हा लढा फक्त नवी मुंबईतील प्रकल्पग्रस्तांचा नाही तर ठाणे,पालघर,भिवंडी,रायगड व अन्य ठिकाणी उभारण्यात आलेल्या विविध शासकीय अशासकीय व खाजगी प्रकल्पांमध्ये बाधित व वंचित झालेल्यांसाठी देखील आहे. नुसते जमीन संपादित झालेले प्रकल्पग्रस्तच नाहीत तर मच्छिमार आणि इतर प्रकल्पातील बाधित सर्वच प्रकल्पग्रस्तांच्या हक्कासाठीचा लढा आहे. विमानतळाच्या नामकरणासाठी आपण लढा उभारला आंदोलनही उभारले. कोविडच्या कालावधी आंदोलनाला परवानगी नव्हती त्यामुळे, आपण काही काळ थांबलो होतो आता जोमाने आंदोलनाला सुरुवात करा. दि.बा.पाटील यांचे नाव विमानतळाला दिले जात नाही तोपर्यंत हा लढा सुरू ठेऊ असे आमदार प्रशांत ठाकूर म्हणाले. भूमिपुत्र मेळाव्यास नामकरण लढाईच्या मुख्य कृती समितीचे डॉ संजीव नाईक, कॉ. भूषण पाटील, समितीचे समन्वयक डॉ.राजेश पाटील, संतोष केणी, गुलाब वझे, दिपक म्हात्रे, जे.डी. तांडेल, राजेश गायकर, रमेश पाटील, भारद्वाज चौधरी तसेच माजी महापौर जयवंत सुतार, रामचंद्र घरत, नवी मुंबईतील माजी नगरसेवक यांच्यासह ठाणे, पालघर, कल्याण, मुंबई येथील भूमिपुत्र मोठया संख्येने उपस्थित होते.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai