Breaking News
नवी मुंबई : बेलापूर येथील शहाबाज गावात इमारत उभारण्याचे व त्यातील दोन फ्लॅट विकत देण्याचे आश्वासन देऊन रेल्वेतील सेवानिवृत्त व्यक्तीकडून तब्बल 22 लाख 44 हजार रुपये उकळणार्या बांधकाम व्यावसायिकाविरोधात नेरूळ पोलिसांनी गुन्हा दाखल केला आहे.
आसिफ मेहबूब शेख (62) हे खारघर येथील ओवे गावात राहत असून 2019 मध्ये सेवानिवृत्त झाले आहेत. शेख यांचे घर विकत घेण्यासाठी बेलापूर गाव सेक्टर-20 मधील एस.ए. बिल्डर्स अॅॅन्ड डेव्हलपर्सचे विकासक अकबर हुसेन चौगुले यांच्याशी संपर्क केला. त्या वेळी चौगुलेने बेलापूरमधील शहाबाज गावात इमारतीचे बांधकाम सुरू असून दोन वर्षांत फ्लॅटचा ताबा देण्याचे आश्वासन दिले. त्यानुसार शेख यांनी 619 व 790 क्षेत्रफळाचे दोन फ्लॅट बुक करण्यासाठी सुरुवातीला 3 लाख रुपयांची रोख रक्कम व उर्वरित 19 लाख 44 हजार रुपये रोख व चेक स्वरूपात चौगुलेला दिली. त्यानंतर फ्लॅटच्या खरेदी विक्रीचा करारनामाही केला. मात्र चौगुलेने इमारतीचे बांधकाम सुरूच केले नाही. शेखने आपले पैसे परत मागितले असता, टाळाटाळ करून उडवाउडवीची उत्तरे देण्यास सुरुवात केली. त्यानंतर चौगुलेने नेरूळच्या मॉलमधील कार्यालयही बंद केले. फसवणूक झाल्याचे लक्षात आल्यावर शेख यांनी त्याच्याविरोधात नेरूळ पोलिस ठाण्यात तक्रार दाखल केली.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai