मोरा हायस्कूलमध्ये चिमुकल्यांचे जल्लोषात स्वागत

मोरा हायस्कूलमध्ये चिमुकल्यांचे जल्लोषात स्वागत

by Aajchi Navi Mumbai
Dec 16, 2021
492

पनवेल : महाराष्ट्र शासनाच्या सर्व नियमावलीचे पालन करून आज जे.एम.म्हात्रे चॅरिटेबल संस्था, संचलित इंग्लिश मीडियम स्कूल मोरा, उरण येथे विद्यार्थ्यांसाठी ऑफलाइन वर्ग सुरू करण्यात आला. खूप महिन्यांनी शाळा सुरू झाल्याचा उत्साह मुलांच्या चेहर्‍यावर दिसत होता. शाळा प्रशासनाकडूनही विद्यार्थ्यांना प्रवेश द्वारावरच सॅनिटायझर, त्यांची टेंपरेचर तपासून लहान मुलांना चॉकलेट देऊन स्वागत करण्यात आले. अशाप्रकारे झालेल्या स्वागता मुळे विद्यार्थीही खूप खूष दिसत होते.

शाळेतील सुरक्षिततेच्या नियोजनाबाबतीत बोलताना जे एम म्हात्रे चॅरिटेबल संस्थेचे अध्यक्ष प्रीतम म्हात्रे यांनी सांगितले की आमच्या संस्थेच्या माध्यमातून सुरू असलेल्या सर्व शाळांमध्ये आम्ही महाराष्ट्र राज्य शासनाच्या नियमावलीचे काटेकोर पालन करून वर्ग सुरू केले आहेत. तसेच शाळेत येणार्‍या सर्व विद्यार्थ्यांची आरोग्य तपासणीची व्यवस्था सुद्धा आमच्या संस्थेच्या माध्यमातून करत आहोत. तसेच आरोग्याच्या बाबतीत विद्यार्थ्यांची घ्यावयाची काळजी संदर्भात आम्ही पालकांमध्येही जनजागृती करणार आहोत. जेणेकरून आमचा विद्यार्थी हा बौद्धिक दृष्ट्याच नाहीतर, शारीरिक दृष्ट्या सुद्धा सक्षम घडेल याचा आम्हाला विश्वास आहे.