Breaking News
पनवेल: पनवेल तालुक्यातील कासारभाट ते डोलघर परिसरात अवैधरित्या वाळू उत्खनन करून वाळूचा साठा करण्यात येत असल्याची माहिती पनवेलचे तहसीलदार विजय तळेकर यांना मिळताच विशेष पथकाने टाकलेल्या छाप्यात बेकायदेशीर वाळू साठा ताब्यात घेण्यात आला असून अज्ञात व्यक्तीविरुद्ध पोलिसांत गुन्हा दाखल करण्यात आला आहे.
पनवेल परिसरात गेल्या काही महिन्यांपासून मोठ्या प्रमाणात अवैधरित्या वाळूचा उपसा आणि साठा करून त्याची विक्री शासनाचे नियम मोडून छुप्या पद्धतीने होत असल्याचे अनेक तक्रारी पनवेल तहसील कार्यालयात येत असतात. तहसील कार्यालयाकडून वेळोवेळी अशीच कारवाई करण्यात येते. अशाच प्रकारे कासारभाट परिसरात अवैधरित्या वाळू उत्खनन करून वाळूचा साठा करण्यात येत असल्याची माहिती तहसील कार्यालयाला मिळताच तलाठी, पोलीस पाटील आणि इतर पथकांनी तेथे जाऊन मोठ्या प्रमाणांत वाळू साठा जप्त केला आहे. त्यासंदर्भात रात्री उशिरापर्यंत पंचनामा करण्याचे काम सुरू असल्याचे पनवेल तहसीलदार कार्यालयाकडून सांगण्यात आले.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai