Breaking News
नवी मुंबई ः दि.बा.पाटील महोत्सव 2021 च्या निमित्ताने एकविरा कला संस्था आणि तेजस पाटील आयोजित ‘भूमिपुत्र सन्मान’ पुरस्कार सोहळा रविवारी पार पडला. यावेळी विविध क्षेत्रात उल्लेखनिय कामगिरी करणार्या 22 जणांना भूमिपुत्र सन्मान पुरस्काराने सन्मानित करण्यात आले. यामध्ये बेलापुरच्या मास्टरमांंईड स्वरांश कोळीने वयाच्या अवघ्या सातव्या वर्षी ‘भूमिपुत्र सन्मान’ मिळवल्याने त्याचे सर्वदूर कौतुक होत आहे.
19 डिसेंबर रोजी लोकनेते दि.बा.पाटील सांस्कृतिक मंगल कार्यालय, जासई (उरण) येथे ‘भूमिपुत्र सन्मान’ पुरस्कार सोहळा मोठ्या उत्साहात संपन्न झाला. त्या सोहळ्यात अनेक कार्यक्रम राबविण्यात आले. यावेळी विशेष म्हणजे विविध क्षेत्रात उल्लेखनीय कामगिरी बजावणार्या 22 जणांना भूमिपुत्र सन्मान पुरस्काराने गौरवण्यात आले. त्यामध्ये सर्वाचे लक्ष वेधून घेतले ते पुरस्काराचा मानकरी ठरलेल्या सात वर्षीय स्वरांश कोळी याने. वयाच्या अवघ्या 7 व्या वर्षी भूमिपुत्र सन्मान पुरस्कार मिळविणारा हा पहिला पुरस्कारकर्ता ठरला आहे. स्वरांश सागर कोळी हा बेलापूर येथील रहिवाशी असून मास्टरमाइंड चॅम्पीयन्शिप स्पर्धेत त्याने राज्य व राष्ट्रीय पातळीवर अशी दोन वेळा आपल्या विजयाची मोहर उमटवली आहे. एवढ्या कमी वयात त्याने आपल्या बुद्धमत्तेच्या जोरावर स्पर्धा यशस्वी करुन नवी मुंबईचे नाव उंचावले आहे. आता त्याने भुमिपुत्र सन्मान मिळवून या नावलौकीकात आणखी भर पाडली असल्याने स्वरांशचे सर्व स्तरातून कौतूक होत आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai