Breaking News
नवी मुंबई ः पालिकेने सर्व विभाग कार्यक्षेत्रातील अनधिकृत बांधकामांवर कारवाई करण्यास सुरुवात केली आहे. अशाचप्रकारे घणसोलीत दोन ठिकाणी सुरु असलेल्या अनधिकृत बांधकामांवर सोमवारी कारवाई करण्यात आली.
पालिका विभाग कार्यालय घणसोली कार्यक्षेत्रातील कौलआळी शौचालया लगत, एसटीपी केंद्रासमोर, से.16, घणसोली येथे पहिल्या मजल्याचे आरसीसी बांधकाम प्रगतीपथावर होते. तसेच अर्जूनवाडी रस्त्यालगत, अर्जूनवाडी, घणसोली याठिकाणी तळमजला आरसीसी कॉलमचे काम प्रगतीपथावर असल्याचे निदर्शनास आले होते. या दोघांनी नवी मुंबई पालिकेची कोणतीही पुर्व परवानगी न घेता अनधिकृतपणे बांधकाम सुरू केले होते. सदरील अनधिकृत बांधकामांस घणसोली विभागामार्फत नोटीस बजाविण्यात आलेली होती. संबंधितांनी केलेले अनधिकृत बांधकाम स्वत:हून हटविणे आवश्यक होते. परंतू त्यांनी सदर ठिकाणी अनधिकृत बांधकाम सुरू ठेवले होते. या दोन्ही अनधिकृत बांधकामांवर घणसोली विभागामार्फत तोडक मोहिमेचे आयोजन करण्यात आलेले होते. त्यानुसार दोनही अनधिकृत बांधकामे निष्कासित करण्यात आलेली आहेत. या धडक मोहिमेसाठी घणसोली विभागातील अधिकारी / कर्मचारी, मजूर-11, जेसीबी-1, ब्रेकर-2, गॅस कटर-1 तसेच अतिक्रमण विभागाकडील पोलिस पथक तैनात होते.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai