Breaking News
अंत्यदर्शनासाठी मोठी गर्दी ; महानुभाव पंथाप्रमाणे दफनविधी
पुणे : अनाथांची माय अशी ओळख असलेल्या ज्येष्ठ समाजसेविका, पद्मश्री सिंधुताई सपकाळ यांचे मंगळवारी रात्री हद्यविकाराच्या झटक्याने निधन झाले. यांच्यावर बुधवारी दुपारी 12 वाजता ठोसर पागेत दफनविधी करण्यात आले. त्याआधी त्यांना शासकीय इतमामात अखेरची सलामी देण्यात आली. त्यांच्या अंत्यदर्शनासाठी मोठी गर्दी झाली होती.
सिंधुताई यांचा जन्म 14 नोव्हेंबर 1947 रोजी वर्धा येथे झाला. अनाथ मुलांच्या सर्वांगीण विकासासाठी त्यांनी आपले आयुष्य वेचले. त्यांनी बेवारस मुलांना आधार दिला. ममता बाल सदन, बाल निकेतन अशा संस्थांमधून त्यांनी हजारो मुलांचे संगोपन करुन शिक्षण दिले. ‘अनाथांची माय’ अशी ओळख असलेल्या सिंधुताई सपकाळ यांचे मंगळवारी रात्री पुण्यामध्ये निधन झाले. वयाच्या 74 व्या वर्षी त्यांनी अखेरचा श्वास घेतला. त्यांच्यावर पुण्यातील गॅलक्सी रूग्णालयात उपचार सुरू होते. शासकीय इतमामात अंत्यसंस्कार करण्याच्या सूचना मुख्यमंत्री उद्धव ठाकरे यांनी दिल्या. त्यानंतर त्यांच्यावर शासकीय इतमामात अंत्यसंस्कार करण्यात आले. सिंधुताई महानुभाव पंथाच्या अनुयायी असल्याने त्यांचं पार्थिव दफन करण्यात आले. त्याआधी त्यांचं पार्थिव अत्यंदर्शनासाठी सन्मती बाल निकेतन संस्था इथे ठेवण्यात आले होते. ज्येष्ठ समाजसेविका सिंधुताई सपकाळ यांच्या निधनाने अनेकांना दुःख झालं. पंतप्रधान नरेंद्र मोदी, मुख्यमंत्री उद्धव ठाकरे यांनी शोक व्यक्त केला. तसेच महाराष्ट्राच्या कानाकोपर्यातून सन्मती बाल निकेतन संस्था याठिकाणी अंत्यदर्शनासाठी लोकांनी मोठी गर्दी केली होती.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai