Breaking News
उरण : जवाहरलाल नेहरू पोर्ट प्राधिकरण (जेएनपीए)हे भारतातील प्रमुख कंटेनर बंदर असून जेएनपीएने आर्थिक वर्ष 2021-22 मध्ये 5.68 दशलक्ष टीईयू माल हाताळणी केली आहे. जी 2020-21 मधील 4.68 दशलक्ष टीईयूच्या तुलनेत 21.55% अधिक आहे. जेएनपीएची ही आजवरची कोणत्याही आर्थिक वर्षातील सर्वाधिक कामगिरी आहे, यापूर्वी जेएनपीएने 2018-19 मध्ये 5.13 टीईयूची सर्वाधिक हाताळणी केली होती.
2021-22 दरम्यान जेएनपीएमध्ये एकूण 76 दशलक्ष टन वाहतूक हाताळणी झाली, जी मागील वर्षीच्या याच कालावधीतील 64.81 दशलक्ष टनांच्या तुलनेत 17.26% जास्त आहे. 2021-22 मध्ये जेएनपीएमध्ये हाताळलेल्या एकूण कंटेनर वाहतूकीपैकी बीएमसीटीने 1,244,694 टीईयू; एनएसआयजीटीने 1,186,181 टीईयू; एपीएमटीने1,865,587 टीईयू; एनएसआयसीटीने 947,887 टीईयू आणि जेएनपीसीटीने 440,210 टीईयू हाताळणी केली. आर्थिक वर्ष 2021-22दरम्यान जेएनपीएने मागील वर्षीच्या 6,092 रेक आणि 921,512 टीईयूच्या तुलनेत 6,278 कंटेनर रेक आणि 1,007,667 टीईयूची हाताळणी केली. तसेच, आर्थिक वर्ष 2021-22 मध्ये एनएसआयजीटी आणि बीएमसीटीने अनुक्रमे 1.186 दशलक्ष आणि 1.245 दशलक्ष टीईयूहाताळून प्रथमच 1 दशलक्ष टीईयूचा टप्पा ओलांडला, ज्यामुळेत्यांच्या कामगिरीमध्ये अनुक्रमे 52.12% आणि 33.39% वार्षिक वाढ नोंदवली गेली.
जेएनपीएच्या उत्कृष्ट कामगिरी बद्दल बोलताना जेएनपीएचे अध्यक्ष संजय सेठी, म्हणाले, आर्थिक वर्ष 2021-22 मध्ये जेएनपीएने केलेली 5.68 दशलक्ष टीईयूची ऐतिहासिक कामगिरी ही आमच्या ग्राहकांना सर्वोत्तम सेवा देण्यासाठी आम्ही करत असलेल्या सातत्यपूर्ण प्रयत्नांचे आणि वचनबद्धतेचे प्रतीक आहे. या उल्लेखनीय कामगिरीसाठी आमच्या सर्व कर्मचारी व भागधारकांचे अभिनंदन, कारण त्यांच्या बहुमूल्य योगदानाशिवाय ही कामगिरी करणे शक्य नव्हते. जेएनपीए देशाच्या आर्थिक विकासा मार्गप्रशस्त व गतिमान करण्यासाठी वचनबद्ध आहे. जेएनपीए जागतिक दर्जाच्या सुविधा विकसित करून जागतिक व्यापार समुदायाच्या पहिल्या पसंतीचे बंदर बनून कार्यक्षमतेत सातत्याने वाढ करण्यासाठी प्रयत्नशील राहील.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai