Breaking News
मुंबई : गुरुवारी उच्च न्यायालयाने दिलेल्या आदेशानुंतर एसटी कर्मचार्यांचे आंदोलन शांत होण्याची चिन्हे असतानाच शुक्रवारी दुपारी एसटी कर्मचारी अचानक शरद पवारांच्या बंगल्याबाहेर पोहोचले. तिथं त्यांनी ‘शरद पवार, हाय हाय’ अशा घोषणा दिल्या. तसंच चप्पल आणि दगडफेक करण्यात आली.
एसटी महामंडळ राज्य सरकारमध्ये विलीनीकरणाच्या मागणीसाठी संपावर ठाम असणार्या एसटी कर्मचार्यांना पुन्हा एकदा हायकोर्टाने बजावले आहे. 22 एप्रिलपर्यंत कामावर रुजू होण्याची सूचना हायकोर्टाने दिली आहे. राज्य सरकारने कर्मचार्यांना कामावर परत घेण्याची ग्वाही कोर्टात दिली आहे. त्यानंतर कोर्टाने 22 एप्रिलपर्यंत मुदतवाढ दिली आहे. एसटी महामंडळाचे विलीनीकरण पूर्णपणे करावं या मागणीसाठी एसटी कर्मचार्यांचा एक गट आक्रमक झालेला पाहायला मिळाला. या आंदोलकांना आक्रमक पवित्रा घेत थेट शरद पवार यांचं मुंबईतील सिल्वर ओक हे निवासस्थान गाठलं. या निवासस्थानाच्या आवारात घुसून आंदोलक कर्मचार्यांनी चप्पल फेक तसंच दगडफेक केले. घटनास्थळी राष्ट्रवादी काँग्रेसच्या खासदार सुप्रिया सुळे दाखल होऊन आंदोलक कर्मचार्यांना शांततेचं आवाहन केले. मी तुमच्यासोबत चर्चा करण्यासाठी तयार आहे. मात्र, शांतेत चर्चा करुयात असे आवाहन सुप्रिया सुळे यांनी वारंवार केले. मात्र, त्यांच्या आवाहनाला आंदोलकांनी कोणताही प्रतिसाद दिला नाही. अखेर निवासस्थानाबाहेर मोठ्या प्रमाणात पोलीस दाखल झाले झाल्यावर परिस्थिती नियंत्रणात आली. आंदोलकांना पोलिसांनी ताब्यात घेतलं आहे. या प्रकरणात जे दोषी असतील त्यांच्यावर कठोर कारवाई करण्यात येईल असे गृहमंत्री दिलीप वळसे पाटील यांनी सांगितले.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai