Breaking News
उरण ः वाकण गावाचे ग्रामदैवत काळकाई मातेच्या वार्षिक सत्यनारायण महापूजेचे औचित्य साधून शिवस्वराज्य प्रतिष्ठान महाराष्ट्रच्या प्रथम वर्धापन दिनी साने परिवार व वाकण गावातील विविध क्षेत्रातील कार्य करणार्या मान्यवरांचा सन्मान सोहळा काळकाई मंदिर सभागृह, येथे मोठ्या उत्साहात संपन्न झाला. यामध्ये वाकण गावाचे सुपुत्र आदर्श शिक्षक, द्रोणागिरी भूषण, अविरत चित्रपट कलाकार व उरण तालुक्यातील मोठी जुई येथे जिल्हा परिषद शाळेत शिक्षक म्हणून कार्यरत असणारे संजय जयराम होळकर यांचा विशेष सत्कार करण्यात आला. त्यांना शिवस्वराज्य प्रतिष्ठान महाराष्ट्र या संस्थेतर्फे मानाचा समाजभूषण रत्न पुरस्कार सद्गुरू भावे महाराज वारकरी संप्रदायाचे गुरुवर्य मठाधिपती रायगड भूषण ह.भ.प.दादामहाराज घाडगे यांच्या हस्ते प्रदान करण्यात आला. उरण मधील मोठी जुई येथे शिक्षक म्हणून कार्यरत असलेले आदर्श शिक्षक संजय होळकर यांना समाजभूषण रत्न पुरस्कार मिळाल्याने त्यांच्यावर विविध स्तरातून, विविध क्षेत्रातून शुभेच्छांचा वर्षाव होत आहे. या कार्यक्रमाचे आयोजन या प्रतिष्ठानचे तालुका अध्यक्ष निळकंठ साने यांनी केले होते.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai