Breaking News
मुंबई ः द इन्स्टिट्यूट ऑफ चार्टर्ड अकाऊंटन्ट्स ऑफ इंडियाने घेतलेल्या सनदी लेखापाल (सीए) अभ्यासक्रमाच्या अंतिम परीक्षेचा निकाल शुक्रवारी जाहीर झाला. या परीक्षेत मुंबईच्या मित शाहने बाजी मारत देशात प्रथम येण्याचा मान पटकावला आहे.
सीएची अंतिम परीक्षा 14 ते 29 मे 2022 या कालावधीत घेण्यात आली. ही परीक्षा देशभरातील विविध परीक्षा केंद्रांवर घेण्यात आली. ही परीक्षा दोन टर्ममध्ये घेण्यात आली. मुंबईच्या मीत शहाने 80.25 टक्के गुणांसह देशात पहिला क्रमांक मिळवला आहे. जयपूरच्या अक्षत गोयलने 79.88 टक्के गुणांसह देशात द्वितीय, तर सुरतच्या सृष्टी संघवीने 76.38 टक्के गुणांसह तृतीय क्रमांक मिळवला आहे.
ग्रुप 1 मध्ये 66575 विद्यार्थ्यांनी परीक्षा दिली. त्यातील 14 हजार 643 विद्यार्थी उत्तीर्ण झाले होते. तर ग्रुप 2 मध्ये 63 हजार 253 विद्यार्थ्यांनी परीक्षा दिली. त्यातील 13 हजार 877 विद्यार्थी उत्तीर्ण झाले. एकूण 29 हजार 348 विद्यार्थ्यांनी दोन्ही ग्रुपची परीक्षा दिली असून त्यातील 3 हजार 695 विद्यार्थी सीए बनले आहेत. 12 हजार 449 नवे चार्टड अकाऊंटंट देशाला मिळाले आहेत.
दोन्ही ग्रुपचा निकाल
ग्रुप -1 निकाल - 21.99 टक्के
ग्रुप - 2 निकाल - 21.94 टक्के
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai