Breaking News
अधिकारी कर्मचार्यारी 2 लाख 94 हजार ध्वज देणार
पनवेल ः आझादी का अमृत महोत्सव अंतर्गत ‘हर घर तिरंगा’ या मोहिमेद्वारे लोकांना तिरंगा घरी आणण्यासाठी आणि भारताच्या स्वातंत्र्याच्या 75 व्या वर्षाच्या निमित्ताने तो फडकावण्यासाठी प्रोत्साहित करण्यात येत आहे. हर घर तिरंगा मोहिमेचा एक भाग म्हणून, पनवेल महानगरपालिका 1.25 लाख तिरंगा ध्वज खरेदी करणार आहे. हे ध्वज पालिका मुख्यालय, वॉर्ड ऑफिस कार्यालयातून नागरिकांमध्ये वितरित केले जाणार आहेत.
केंद्र सरकारपासून ते राज्य सरकारपर्यंत सर्व स्तरांवर स्थानिक स्वराज्य संस्थांसह नागरिकांनी राष्ट्रध्वज फडकवावा आणि ध्वजसंहिता आणि सर्व नियमांचे पालन करून एकता दाखवण्यासाठी मोहिमेत सक्रिय सहभाग घ्यावा असे आवाहन केले आहे. स्वातंत्र्य दिनानिमित्त 13 ऑगस्ट ते 15 ऑगस्ट या कालावधीत नागरिकांना घरोघरी तिरंगा फडकवण्याची विनंती पालिका आयुक्तांनी केली आहे. नागरिकांनी हे झेंडे घरासमोर लावावेत. या उपक्रमांतर्गत महापालिका, शासकीय, निमशासकीय संस्था, शाळा, महाविद्यालये, सहकारी संस्था, खाजगी संस्था या सर्व नागरिकांनी ध्वजारोहणासाठी पुढाकार घ्यावा. ध्वजारोहणाचे नियम प्रत्येक नागरिकाने पाळून ‘हर घर तिरंगा’ मोहीम यशस्वी करायची आहे. तिरंगा ध्वज उतरवताना तो काळजीपूर्वक आणि आदरपूर्वक खाली केला पाहिजे.
मोहिमेसाठी पालिका अधिकारी स्वेच्छेने काही झेंडे देतील. त्यापैकी स्वतः आयुक्त गणेश देशमुख यांनी 500 ध्वज दिले आहेत. तसेच अधिकारी व कर्मचारी 10 हजार झेंडे देणार आहेत. या मोहिमेसाठी अधिकारी व कर्मचार्यांच्या माध्यमातून एकूण 2 लाख 94 हजार ध्वज देण्यात येणार आहेत.
ध्वजासंबंधी सूचना
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai