एएसजीचे नवे नेत्र रुग्णालय वाशीत

एएसजीचे नवे नेत्र रुग्णालय वाशीत

by Aajchi Navi Mumbai
Dec 06, 2022
230

नवी मुंबई : भारतातील आघाडीची नेत्र रुग्णालय शृंखला, एएसजी आय हॉस्पिटल्सने (एएसजी) नवी मुंबईत वाशीमध्ये आपले नवे नेत्र रुग्णालय सुरु केले आहे. हे नवे सुपर स्पेशालिटी नेत्र रुग्णालय मुंबई महानगर क्षेत्रातील एएसजीचे दुसरे आणि महाराष्ट्रातील सहावे रुग्णालय आहे. अनुभवी नेत्रचिकित्सक याठिकाणी नेमण्यात आले असून, अत्याधुनिक पायाभूत सोयीसुविधा आणि सर्वोत्तम वैद्यकीय तंत्रज्ञान उपलब्ध करवून देण्यात आले आहे.

वाशीमध्ये सेक्टर 17 मध्ये मध्यवर्ती ठिकाणी असलेल्या या रुग्णालयामध्ये डोळ्यांवरील आघातांवर तातडीने उपचारांसाठी संपूर्ण दिवसभर उपलब्ध असलेल्या इमर्जन्सी सेवा आणि चोवीस तास नेत्रपेढी सुविधा दिल्या जात आहेत. एएसजी आय हॉस्पिटल्स, वाशी (नवी मुंबई) चे वैद्यकीय संचालक डॉ. पवन लोहिया म्हणाले, नवी मुंबईची लोकसंख्या सातत्याने वाढत आहे. आधुनिक जीवनशैलीमुळे अनेक नेत्र समस्या आणि आजार होत आहेत. वाशीतील नव्या हॉस्पिटलमध्ये डोळ्यांचे सर्वोत्तम डॉक्टर्स आणि अत्याधुनिक नेत्रचिकित्सा तंत्रज्ञान यांचा मिलाप घडून आल्यामुळे वाशी आणि नवी मुंबईतील रहिवाशांना जागतिक दर्जाची सर्वसमावेशक नेत्रचिकित्सा सेवा उपलब्ध होईल. डोळ्यांच्या सर्व समस्यांवर तातडीने प्रभावी उपचार सेवा उपलब्ध व्हाव्यात जेणेकरून डोळ्यांचे गंभीर आजार टाळले जावेत हे आमचे उद्दिष्ट पूर्ण करण्यामध्ये या रुग्णालयाचे खूप मोठे योगदान असणार आहे.

वाशीमध्ये नवे ग्रीनफील्ड आय हॉस्पिटल सुरु करून विस्तारावर भर देण्याचे धोरण आम्ही कायम ठेवले आहे. सुपर-स्पेशालिटी नेत्रचिकित्सा हॉस्पिटल्सची शृंखला संपूर्ण देशभरात उभारून छोट्यातल्या छोट्या शहरांमध्ये, अंतर्गत भागांमध्ये सर्वोत्तम नेत्र देखभाल देऊन रुग्णांना जास्तीत जास्त सुविधा उपलब्ध करवून देणे हे आमचे उद्दिष्ट आहे. - एसजी आय हॉस्पिटल्सचे अध्यक्ष व व्यवस्थापकीय संचालक डॉ अरुण सिंघवी