Breaking News
उरण ः सी डब्लू सी लॉजिस्टिक पार्क भेंडखळ, येथील टीम ग्लोबल /पोलारीस लॉजिस्टिक पार्क कंपनीला मिळालेल्या कामामध्ये भेंडखळ गावातील सुमारे 325 प्रकल्पग्रस्त कामगारांना प्राधान्याने नोकरी देण्यात यावी. या प्रमुख मागणीसह इतर मागण्या पूर्ण व्हाव्यात यासाठी राष्ट्रवादी काँग्रेसच्या वतीने 9 डिसेंबर रोजी हिंद टर्मिनल कंपनी गेट समोर आंदोलन करण्यात आले.
उरण तालुक्यातील भेंडखळ गावाजवळील सी डब्लू.सी. मधील 75 एकर चे सर्वात मोठे सीएफएस आहे. याचे उद्घाटन सन 2006 साली केंद्रिय कृषीमंत्री शरदचंद्रजी पवार यांच्या हस्ते झाले होते. त्यानंतर 2006 पासून ते आतापर्यंत सदर 75 एकरचे सीएफएस हिंद टर्मिनल प्रा.लि. ने वार्षिक भाडे तत्वावर घेतली होती. सुमारे 63 कोटी रुपये वार्षिक भाडे सी डब्लू सी ला भरत होती. शेवटच्या टप्यात भाडे करारात सामंज्यस न झाल्याने हिंद टर्मिनल प्रा.लि. सदर जागेवरचे काम सोडून दिले. आता मात्र हेच सीएफएस टीम ग्लोबल द्रोणगिरी नोड / पोलारिस लॉजिस्टिक्स पार्क या कंपनीला सुमारे 24 कोटी रुपये वार्षिक भाडेतत्वावर मिळालेले आहे. भेंडखळ गावातील सुमारे 325 प्रकल्पस्त पूर्वीच्या हिंद टर्मिनलचे कामगारांना पूर्वीच्या हिंद टर्मिनल कंपनीमध्ये असणारा पगारच देण्यात यावा अशी मागणी कामगारांची आहे. स्थानिक प्रकल्पग्रस्त कामगारांच्या विविध मागण्या पूर्ण व्हावेत यासाठी 09 डिसेंबर 2022 रोजी उरण तालुक्यातील भेंडखळ गावाजवळील सी.डब्लू.सी. मधील सीएफएस गेटजवळ घेण्यात आलेल्या बैठकीला सुमारे 500 हून अधिक प्रकल्पग्रस्त कामगार हजर होते. सदर बैठकीचे आयोजन काँग्रेसचे यशवंत म्हात्रे यांनी केले होते.
मागण्या
प्रकल्पग्रस्त कामगारांवर कोणी अन्याय केल्यास ते आम्ही खपवून घेणार नाही. जोपर्यंत स्थानिक प्रकल्पग्रस्त कामगारांना न्याय मिळत नाही तोपर्यंत आम्ही मागे हटणार नाही. कोणत्याही परिस्थितीत आम्हाला न्याय मिळालाच पाहिजे. आमच्या सर्व मागण्या मान्य झाल्या पाहिजेत. मागण्या मान्य झाल्या नाहीत तर तीव्र आंदोलन उभारू. होणार्या परिणामास सर्वस्वी कंपनी प्रशासन व शासन जबाबदार असेल. - प्रशांत पाटील, महाराष्ट्र प्रदेश सरचिटणीस, राष्ट्रवादी काँग्रेस पार्टी.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai