Breaking News
नवी मुंबई ः महानगरपालिका कार्यक्षेत्रातील रहिवाशी असलेल्या, शालेय तसेच शासन मान्यताप्राप्त खेळांच्या संघटनांव्दारे आयोजित राज्य अजिंक्यपद निवड चाचणी स्पर्धा व राष्ट्रीय क्रीडा स्पर्धांमध्ये प्राविण्य मिळविणार्या खेळांडूना महापालिकेद्वारे क्रीडा शिष्यवृत्ती देण्यात येते. सन 2021-2022 मधील प्राविण्यप्राप्त खेळाडूंना क्रीडा शिष्यवृत्ती प्रदान करण्याकरिता पात्र खेळाडूंनी विहित नमुन्यातील अर्ज व इतर आवश्यक कागदपत्रांची पूर्तता 31 डिसेंबर 2022 पर्यंत करण्याचे आवाहन पालिकेने केले आहे.
विविध खेळांतील गुणवंत खेळाडूंना अधिक प्रोत्साहन मिळावे व त्यांच्या गुणवत्तेला आधार मिळावा यादृष्टीने ही क्रीडा शिष्यवृत्ती उपयोगी पडते. या क्रीडा शिष्यवृत्ती करिता पात्र खेळाडूंनी विहित नमुन्यातील अर्ज व इतर आवश्यक कागदपत्रांची पूर्तता दि.31 डिसेंबर 2022 पर्यंत नवी मुंबई महानगरपालिका क्रीडा विभागाकडे सादर करावयाची आहेत. विहित मुदतीनंतर आलेल्या अर्ज ग्राह्य धरले जाणार नाहीत. अर्ज राजीव गांधी क्रीडा संकुल, सेक्टर 3 ए, सीबीडी बेलापूर येथे क्रीडा विभाग कार्यालयात उपलब्ध आहेत तसेच पालिकेच्या संकेतस्थळावर क्रीडा विभागाच्या सेक्शनमध्येही हे अर्ज उपलब्ध करुन देण्यात आलेले आहेत. अधिक माहितीसाठी 022-27573294 या दूरध्वनी क्रमांकावर संपर्क साधावयाचा आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai