Breaking News
हजारो लिटर्स पाणी वाया
उरण ः डंपरच्या धडकेने विद्युत पोलासह रस्त्याच्या उजव्या बाजूला असलेल्या हेटवणे जलवाहिनीची चावी तोडल्याने जलवाहिनीतील पाण्याचा 25 फुटाहून अधिक उंचावर फवारा उडून हजारो लिटर पाणी वाया गेले. या अपघाताने सुदैवाने कोणत्याही प्रकारची जीवितहानी झाली नाही. अपघातानंतर पाणीपुरवठा केंद्रातून पाणी बंद करण्यात आल्याने नवी मुंबईतील पाणीपुरवठ्यावर परिणाम होण्याची शक्यता आहे.
चिरनेर-खारपाडा रोड वरून घाटातील तलाखराच्या खिंडीत उतारावर मातीने भरलेला अवजड डंपर चालकाचा ताबा सुटल्याने अपघात झाला. या अपघातात जलवाहिनीची चावी तुटल्याने सुमारे दोन तास 25 फूट उंचीवर पाण्याचा फवारा उडू लागला होता. हेटवणे पाणी पुरवठा विभागाला याची माहिती मिळाल्याने हेटवणे धरणाच्या दिशेने येणारा पाणीपुरवठा बंद करण्यात आला. पाण्याचा प्रेशर कमी झाल्यावर या जलवाहिनीच्या अपघातात तुटलेल्या लोखंडी चावीचे काम सायंकाळपर्यंत पूर्ण करून बंद करण्यात आलेला पाणीपुरवठा सुरळीत करणार असल्याचे हेटवणे पाणीपुरवठा प्रकल्पाच्या कर्मचाऱ्यांनी सांगितले.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai