Breaking News
नवी मुंबई ः नगररचना व मूल्य निर्धारण विभागाच्या वतीने राजीव गांधी क्रीडांगणात आयोजित करण्यात आलेल्या कोकण विभागीय क्रीडा स्पर्धेचा शुभारंभ जागतिक पातळीवर देशाचे नाव गाजविणाऱ्या धावपटू ललिता बाबर यांच्या हस्ते संपन्न झाला. खेळाडू म्हणून आपण जेव्हा मैदानावर उतरतो तेव्हा खिलाडूवृत्ती, सांघिक भावना वाढीस लागते व आपल्या व्यक्तिमत्वात सकारात्मक बदल होतो असा स्वानुभाव कथन करीत ‘माणदेशी एक्सप्रेस' म्हणून नावाजल्या जाणाऱ्या आंतरराष्ट्रीय धावपटू ललिता बाबर यांनी समर्पित भावनेने झोकून देऊन खेळताना आपल्याला दुखापत होऊन आपली क्रीडा कारकीर्द वाया जाणार नाही याचीही प्रत्येकाने काळजी घ्यावी असे सांगितले.
कोकण विभागातील कोकण भवनसह रत्नागिरी, रायगड, ठाणे, मुंबई, सिंधूदुर्ग, पालघर तसेच यजमान नवी मुंबई महानगरपालिका अशा 8 संघांनी या स्पर्धांमध्ये सहभाग घेतला. क्रिकेट, व्हॉलीबॉल, धावणे, बुध्दीबळ, बॅडमिंटन, कॅरम, बास्केटबॉल, टेबल टेनीस अशा 8 क्रीडा प्रकारांमध्ये नगररचना विभागातील 260 हून अधिक अधिकारी, कर्मचारी खेळाडूंनी या सर्व स्पर्धांमध्ये उत्साहाने सहभाग घेतला. विशेष म्हणजे गोट्या, विटीदांडू, भोवरा अशा पारंपारिक खेळांचीही सुविधा याठिकाणी उपलब्ध असल्याने अनेकांनी शाळेचे दिवस आठवल्याचे सांगितले. विविध क्रीडाप्रकारांतील पारितोषिक वितरण समारंभप्रसंगी विशेष अतिथी म्हणून उपस्थित असलेल्या नेमबाजी क्रीडा प्रकारात ऑलंपिकसह आंतरराष्ट्रीय पातळीवर देशाचे नाव उंचाविणाऱ्या रायफल शुटींगपटू सुमा शिरूर यांनी नगररचना विभागातील अधिकारी, कर्मचारी यांच्या अंगभूत क्रीडा गुणांना उत्तेजन देण्यासाठी आयोजित करण्यात आलेल्या विविध खेळांच्या स्पर्धांबद्दल नगररचना व मूल्य निर्धारण विभागाचे कौतुक केले.
क्रिकेट स्पर्धेत नगररचना विभागाच्या पालघर संघाने सिंधूदुर्ग संघावर मात करीत विजेतेपदाचा चषक पटकाविला. पालघर संघातील तय्यब यांनी मालिकावीर पारितोषिक तसेच सिंधूदुर्ग संघातील प्रितम यांनी सर्वोत्कृष्ट फलंदाज व पालघर संघातील स्वप्नील यांनी सर्वोत्कृष्ट गोलंदाज पारितोषिके पटकाविली. व्हॉलीबॉल स्पर्धेत नवी मुंबई महानगरपालिकेचा संघ विजेतेपदाचा मानकरी ठरला. रत्नागिरी संघाला उपविजेते पदावर समाधान मानावे लागले. बॅडमिंटन स्पर्धेत 40 वर्षाखालील पुरुषांमध्ये रत्नागिरी संघातील अजय यादव व महिलांमध्ये मुंबई संघातील दिपाली साळवी तसेच 40 वर्षावरील पुरुषांमध्ये मुंबई संघातील किरण मलगांवकर व महिलांमध्ये पालघर संघातील अनिता वालेकर प्रथम क्रमांकाचे विजेते ठरले. टेबल टेनिस स्पर्धेमध्ये 40 वर्षाखालील पुरुषांमध्ये पालघर संघातील निखील पाटील व महिलांमध्ये सिंधूदुर्ग संघातील प्राजक्ता गावडे विजेते पदाचे मानकरी ठरले. बुध्दीबळ स्पर्धेमध्ये नवी मुंबई महानगरपालिका नगररचना विभागाच्या संघातील संदीप म्हात्रे तसेच महिलांमध्ये मुंबई संघातील आदिती व्हावकर यांनी सर्वप्रथम क्रमांक मिळविला. कॅऱम स्पर्धेमध्ये ठाणे संघातील राजेंद्र पवार यांनी पुरुषांमध्ये तसेच ठाणे संघातील श्रीम. अश्विनी धामापुरकर यांनी महिलांमध्ये विजेतेपदाची बाजी मारली. धावणे (4 100) 40 वर्षांवरील पुरुषांमध्ये कोकण विभागाच्या संघातील अजित न्यायनवरे, चंद्रकांत राजे, राजेंद्र मराठे, धरा सावंत यांनी तसेच महिलांमध्ये मुंबई संघातील उर्मिला खैरनार, आकांक्षा आव्हाड, अदिती नावेकर, स्मिता काजळे यांनी प्रथम क्रमांकाची पारितोषिके पटकाविली.
पालिका आयुक्त राजेश नार्वेकर यांनी अशाप्रकारे क्रीडा व सांस्कृतिक उपक्रमांमधून अधिकारी, कर्मचाऱ्यांना नेहमीच्या कार्यालयीन कामांपलिकडे जाऊन स्वत:मधील गुणवत्ता दाखविण्याची संधी मिळते तसेच यामधून तणावमुक्ती होते असे सांगत अतिशय उत्तम रितीने उपक्रम आयोजन केल्याबद्दल कोकण विभागाचे सहसंचालक जितेंद्र भोपळे व नगररचनाकार राजेंद्रसिंग चव्हाण तसेच या संपूर्ण आयोजनात अत्यंत महत्वाची समन्वयक भूमिका बजावणारे नवी मुंबई महानगरपालिकेचे नगररचनाकार सोमनाथ केकाण आणि सर्व सहभागी अधिकारी, कर्मचारी यांचे कौतुक केले.
कोकण विभागीय क्रीडा स्पर्धा जल्लोषात फोटो
नवी मुंबई ः नगररचना व मूल्य निर्धारण विभागाच्या वतीने राजीव गांधी क्रीडांगणात आयोजित करण्यात आलेल्या कोकण विभागीय क्रीडा स्पर्धेचा शुभारंभ जागतिक पातळीवर देशाचे नाव गाजविणाऱ्या धावपटू ललिता बाबर यांच्या हस्ते संपन्न झाला. खेळाडू म्हणून आपण जेव्हा मैदानावर उतरतो तेव्हा खिलाडूवृत्ती, सांघिक भावना वाढीस लागते व आपल्या व्यक्तिमत्वात सकारात्मक बदल होतो असा स्वानुभाव कथन करीत ‘माणदेशी एक्सप्रेस' म्हणून नावाजल्या जाणाऱ्या आंतरराष्ट्रीय धावपटू ललिता बाबर यांनी समर्पित भावनेने झोकून देऊन खेळताना आपल्याला दुखापत होऊन आपली क्रीडा कारकीर्द वाया जाणार नाही याचीही प्रत्येकाने काळजी घ्यावी असे सांगितले.
कोकण विभागातील कोकण भवनसह रत्नागिरी, रायगड, ठाणे, मुंबई, सिंधूदुर्ग, पालघर तसेच यजमान नवी मुंबई महानगरपालिका अशा 8 संघांनी या स्पर्धांमध्ये सहभाग घेतला. क्रिकेट, व्हॉलीबॉल, धावणे, बुध्दीबळ, बॅडमिंटन, कॅरम, बास्केटबॉल, टेबल टेनीस अशा 8 क्रीडा प्रकारांमध्ये नगररचना विभागातील 260 हून अधिक अधिकारी, कर्मचारी खेळाडूंनी या सर्व स्पर्धांमध्ये उत्साहाने सहभाग घेतला. विशेष म्हणजे गोट्या, विटीदांडू, भोवरा अशा पारंपारिक खेळांचीही सुविधा याठिकाणी उपलब्ध असल्याने अनेकांनी शाळेचे दिवस आठवल्याचे सांगितले. विविध क्रीडाप्रकारांतील पारितोषिक वितरण समारंभप्रसंगी विशेष अतिथी म्हणून उपस्थित असलेल्या नेमबाजी क्रीडा प्रकारात ऑलंपिकसह आंतरराष्ट्रीय पातळीवर देशाचे नाव उंचाविणाऱ्या रायफल शुटींगपटू सुमा शिरूर यांनी नगररचना विभागातील अधिकारी, कर्मचारी यांच्या अंगभूत क्रीडा गुणांना उत्तेजन देण्यासाठी आयोजित करण्यात आलेल्या विविध खेळांच्या स्पर्धांबद्दल नगररचना व मूल्य निर्धारण विभागाचे कौतुक केले.
क्रिकेट स्पर्धेत नगररचना विभागाच्या पालघर संघाने सिंधूदुर्ग संघावर मात करीत विजेतेपदाचा चषक पटकाविला. पालघर संघातील तय्यब यांनी मालिकावीर पारितोषिक तसेच सिंधूदुर्ग संघातील प्रितम यांनी सर्वोत्कृष्ट फलंदाज व पालघर संघातील स्वप्नील यांनी सर्वोत्कृष्ट गोलंदाज पारितोषिके पटकाविली. व्हॉलीबॉल स्पर्धेत नवी मुंबई महानगरपालिकेचा संघ विजेतेपदाचा मानकरी ठरला. रत्नागिरी संघाला उपविजेते पदावर समाधान मानावे लागले. बॅडमिंटन स्पर्धेत 40 वर्षाखालील पुरुषांमध्ये रत्नागिरी संघातील अजय यादव व महिलांमध्ये मुंबई संघातील दिपाली साळवी तसेच 40 वर्षावरील पुरुषांमध्ये मुंबई संघातील किरण मलगांवकर व महिलांमध्ये पालघर संघातील अनिता वालेकर प्रथम क्रमांकाचे विजेते ठरले. टेबल टेनिस स्पर्धेमध्ये 40 वर्षाखालील पुरुषांमध्ये पालघर संघातील निखील पाटील व महिलांमध्ये सिंधूदुर्ग संघातील प्राजक्ता गावडे विजेते पदाचे मानकरी ठरले. बुध्दीबळ स्पर्धेमध्ये नवी मुंबई महानगरपालिका नगररचना विभागाच्या संघातील संदीप म्हात्रे तसेच महिलांमध्ये मुंबई संघातील आदिती व्हावकर यांनी सर्वप्रथम क्रमांक मिळविला. कॅऱम स्पर्धेमध्ये ठाणे संघातील राजेंद्र पवार यांनी पुरुषांमध्ये तसेच ठाणे संघातील श्रीम. अश्विनी धामापुरकर यांनी महिलांमध्ये विजेतेपदाची बाजी मारली. धावणे (4 100) 40 वर्षांवरील पुरुषांमध्ये कोकण विभागाच्या संघातील अजित न्यायनवरे, चंद्रकांत राजे, राजेंद्र मराठे, धरा सावंत यांनी तसेच महिलांमध्ये मुंबई संघातील उर्मिला खैरनार, आकांक्षा आव्हाड, अदिती नावेकर, स्मिता काजळे यांनी प्रथम क्रमांकाची पारितोषिके पटकाविली.
पालिका आयुक्त राजेश नार्वेकर यांनी अशाप्रकारे क्रीडा व सांस्कृतिक उपक्रमांमधून अधिकारी, कर्मचाऱ्यांना नेहमीच्या कार्यालयीन कामांपलिकडे जाऊन स्वत:मधील गुणवत्ता दाखविण्याची संधी मिळते तसेच यामधून तणावमुक्ती होते असे सांगत अतिशय उत्तम रितीने उपक्रम आयोजन केल्याबद्दल कोकण विभागाचे सहसंचालक जितेंद्र भोपळे व नगररचनाकार राजेंद्रसिंग चव्हाण तसेच या संपूर्ण आयोजनात अत्यंत महत्वाची समन्वयक भूमिका बजावणारे नवी मुंबई महानगरपालिकेचे नगररचनाकार सोमनाथ केकाण आणि सर्व सहभागी अधिकारी, कर्मचारी यांचे कौतुक केले.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai