Breaking News
सेनेच्या महिला जिल्हा संघटक शितल कचरे यांची मागणी
नवी मुंबई ः पालिका शाळेतील विद्यार्थ्यांना दररर्षी पालिकेमार्फत शिष्यवृत्त देण्यात येते. यासाठी अर्ज करण्याचे आवाहन पालिकेने केले असून राष्ट्रीयकृत बँकेमध्ये खाते असणे बंधनकारक केले आहे. मात्र राष्ट्रीयकृत बँकेमध्ये खाते उघडण्यासाठी 2 हजार रुपये डिपॉझिट घेत असून दिवसाला मर्यादित खाती उघडण्यात येत आहेत. यामध्ये पालकांना नाहक त्रास सहन करावा लागत आहे. त्यामुळे ही अट शिथील करुन बँकांना कमीतकमी रक्कमेत खाते उघडण्यास सूचित करण्याची मागणी बाळासाहेबांच्या शिवसेनेच्या महिला जिल्हा संघटक शितल कचरे यांनी पालिका आयुक्तांकडे केली आहे.
नवी मुंबई शहरातील इयत्ता पहिली ते महाविद्यालयीन शिक्षण घेत असणाऱ्या विद्यार्थ्यांच्या शिक्षणाकरिता मदत म्हणून विविध घटकांतील विद्यार्थ्यांसाठी पालिकेच्यावतीने शिष्यवृत्ती योजना राबविण्यात येत आहे. या योजनेत 6 घटकांतील विद्यार्थी यांना ही शिष्यवृत्ती देण्यात येते कोरोनामुळे दोनवर्ष शिष्यवृत्ती रखडली होती. आता विद्यार्थ्यांना सन 20-21 आणि सन 2021-22 अशा दोन वर्षांची देण्यात येणार आहे. परंतु यामध्ये पहिल्यांदाच राष्ट्रीयकृत बँकेत खाते असण्याची अट घालण्यात आलेली आहे. यामध्ये दोन ते दोन हजारहून अधिक रक्कम टाकून खाते उघडण्यात येत आहे. तसेच खाते उघडण्यासाठी या राष्ट्रीयकृत बँकांमध्ये दिवसाला मर्यादित खाते उघडले जात आहेत. त्यामुळे अशावेळी पालकांनी सुट्टी घेऊन काढलेला वेळ वाया जात आहे. एकंदरीत या शिष्यवृत्तीसाठी ही राष्ट्रीय बँकातील खात्याची अट पालकांसाठी डोकेदुखी ठरत आहे. त्यामुळे ही अट शिथील करुन बँकांना कमीतकमी रक्कमेत खाते खोलण्याचे सुचित करण्याची मागणी शितल कचरे यांनी पालिका आयुक्तांना निवेदनाद्वारे केली आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai