Breaking News
पनवेल : उरण येथील बांधकाम व्यावसायिक महिलेवर मंगळवारी रात्री गोळीबार झाला आहे. ही घटना जुन्या पनवेल उरण मार्गावर बंबावीपाडा येथे सायंकाळी सव्वासहा वाजता घडली. सुप्रिया मंगेश पाटील असे गोळीबारीत जखमी झालेल्या व्यावसायिक महिलेचे नाव आहे. त्यांच्यावर अपोलो रुग्णालयात उपचार सुरू आहेत.
उरण येथील कोप्रोली गावात सुप्रिया यांचे घर आहे. सुप्रिया या मंगळवारी त्यांच्या भावासोबत मोटारीने जात असताना त्यांच्यावर हल्ला झाला. हल्लेखोर दुचाकीवरून आले होते. सुप्रिया यांची मोटार अडवून हा हल्ला झाल्याने बांधकाम व्यावसायिकांचा सुरक्षेचा प्रश्न ऐरणीवर आला आहे. या घटनेनंतर मारेकरी गोळीबार करून तेथून पळून गेले. या गोळीबारीत सुप्रिया यांच्या डाव्या पायाच्या गुडघ्याला गोळी लागली. सुप्रिया यांच्या भावाने त्यांना रुग्णालयात दाखल केले. सध्या त्यांची प्रकृती व्यवस्थित आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai