Breaking News
वितरणाची कार्यवाही 30 एप्रिलपर्यंत पूर्ण करण्याचे नियोजन
नवी मुंबई ः महापालिकेच्या वतीने पहिली ते महाविद्यालयीन शिक्षण घेणाऱ्या विविध घटकांतील 20 हजार 47 पात्र विद्यार्थ्यांना सन 2021-22 वर्षाची शिष्यवृत्ती मंजूर करण्यात आलेली असून 15 कोटी 81 लक्ष 20 हजार इतकी रक्कम विद्यार्थ्यांच्या बँक खात्यात जमा करणेकरिता स्टेट बँक ऑफ इंडियाच्या नमुंमपा मुख्यालय शाखेत पाठविण्यात आलेली आहे. तसेच बँकेमार्फत विद्यार्थ्यांच्या बँक खात्यात रक्कम जमा व्हायला सुरूवात झालेली आहे.
नवी मुंबई महानगरपालिका कार्यक्षेत्रामधील विविध घटकांतील इयत्ता पहिली ते महाविदयालयीन शिक्षण घेणाऱ्या विदयार्थ्यांना सन 2021-22 व सन 2022-23 या दोन वर्षांच्या शिष्यवृत्ती योजनेसाठी रु.33 कोटी 25 लाख रुपयांची तरतूदही करण्यात आलेली आहे. सन 2021-22 ची 20 हजार 47 पात्र विद्यार्थ्यांची शिष्यवृ्त्ती वितरण प्रक्रिया पूर्ण झालेली आहे. शैक्षणिक शिष्यवृत्ती योजनेसाठी सन 2021-22 साठी 34,318 तसेच सन 2022-23 या वर्षासाठी 37,557 अशाप्रकारे दोन वर्षांसाठी एकूण 71,875 अर्ज प्राप्त झाले आहेत. इतक्या मोठ्या संख्येने प्राप्त अर्जांतून पहिल्या टप्प्यात दि. 31 मार्च 2023 पूर्वी सन 2021-22 ची शैक्षणिक शिष्यवृत्ती विदयार्थ्यांना विहीत मुदतीत देण्याची कार्यवाही पूर्ण करण्याचे उद्दिष्ट नजरेसमोर ठेवण्यात आले होते. त्याचीच परिणिती म्हणजे केवळ 15 दिवसात जलदगतीने अर्जांची छाननी करुन सन 2021-22 या वर्षासाठी 20,047 पात्र विदयार्थ्यांना शिष्यवृत्ती मंजूर करण्यात आली. त्यांच्या बँक खात्यात 15 कोटी 81 लाख 20 हजार इतकी शिष्यवृत्ती रक्कम जमा करण्याकरिता या पात्र लाभार्थ्यांची यादी व रक्कमेचा धनादेश स्टेट बँक ऑफ इंडिया, नमुंमपा मुख्यालय शाखा यांच्याकडे देण्यात येऊन लाभ वितरण प्रक्रियेला सुरूवात करण्यात आली.
सन 2021-22 चे 390 प्रलंबित अर्ज दुरुस्तीसाठी लाभार्थ्यांना परत पाठविण्यात आलेले असून या संदर्भात त्यांना एसएमएसव्दारे कळविण्यात आलेले आहे. याशिवाय दुसऱ्या टप्प्यातील सन 2022-23 या वर्षाच्या शिष्यवृत्तीकरिता प्राप्ता 37,557 विदयार्थ्यांचे शिष्यवृत्ती अर्जांची पडताळणी सुरू करण्यात आलेली असून 21,675 अर्जांची पडताळणी पूर्ण झालेली आहे. उद्दिष्टानुसार 30 एप्रिलपर्यंत सन 2022-23 वर्षाचीही शैक्षणिक शिष्यवृत्ती पात्र विदयार्थ्यांच्या बँक खात्यात जमा करण्याची कार्यवाही पूर्ण करण्याचे नियोजन करण्यात आलेले असून त्यानुसार कालबध्द कार्यवाही सुरू असल्याची माहिती समाजविकास विभागाचे उपआयुक्त डॉ. श्रीराम पवार यांनी दिली आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai