Breaking News
एकच मार्गिका सुरु असल्याने वाहतुक कोंडी
नवी मुंबई : शीव-पनवेल मार्गावरील नेरुळ येथील एलपी उड्डाणपुलावर सिमेंट काँक्रीटीकरण कामाचा दुसरा अंतिम टप्पा सुरू झाला आहे. या टप्प्यात केवळ एकच मार्गिका सुरू असल्याने मोठ्या प्रमाणात वाहतुक कोंडी होत आहे. या अभूतपूर्व वाहतूक कोंडीचा सामना तब्बल एक महिना करावा लागू शकतो.
शीव-पनवेल मार्गाचे संपूर्ण काँक्रीटीकरण झाले असले तरी काही पुलांवर मात्र काँक्रीटीकरण झालेले नाही. हे काँक्रीटीकरण सार्वजनिक बांधकाम विभागाने टप्प्याटप्प्याने सुरू केले आहे. नेरुळ येथील एलपी उड्डाणपुलावरील पुण्याच्या दिशेने जाणाऱ्या एका मार्गिकेचे काँक्रिटीकरण गेल्या काही महिन्यांपुर्वी पूर्ण करण्यात आले. आता पुण्याकडे जाणाऱ्या आणखी दोन मार्गिकांचे काँक्रीटकरण एकाच वेळी रविवारपासून सुरू करण्यात आले आहे. हे काम सुमारे महिनाभर चालणार आहे. त्यामुळे या दोन्ही मार्गिका वाहतुकीसाठी बंद ठेवण्यात येणार असल्याने या भागात मोठ्या प्रमाणात वाहतूक कोंडी होत आहे. वाहतूक कोंडी टाळण्यासाठी वाहनचालकांनी पर्यायी मार्गांचा वापर करावा असे आवाहन वाहतूक शाखेच पोलीस आयुक्त तिरुपती काकडे यांनी केले आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai