Breaking News
नवी मुंबई : नवी मुंबईतील प्रस्तावित सुपर स्पेशालिटी हॉस्पिटल व मेडिकल कॉलेज प्रकल्पाचे सादरीकरण आयुक्त राजेश नार्वेकर यांच्या दालनात करण्यात आले. त्यामुळे लवकरच रुग्णालय आणि महाविद्यालय प्रकल्प उभारण्याच्या प्रक्रियेला सुरुवात होईल अशी अपेक्षा व्यक्त होत आहे.
नवी मुंबईत शहरात एकही शासकीय सुपर स्पेशालिटी रुग्णालय आणि वैद्यकीय महाविद्यालय नसल्याने अनेक गरीब गरजूंना या सेवेपासून वंचित राहावे लागते. याच अनुषंगाने बेलापूर आमदार मंदा म्हात्रे यांनी पुढाकार घेत सदर रुग्णालय व महाविद्यालयास जागा मिळवण्यासाठी प्रत्यत्न केले. काही महिन्यापूर्वी जागा निश्चिती झाल्यानंतर बुधवार नवी मुंबई महानगरपालिका आयुक्त राजेश नार्वेकर यांच्या दालनात सुपर स्पेशालिटी हॉस्पिटल व मेडिकल कॉलेजच्या प्रकल्पाचे सादरीकरण केले. सदरचा सुपर स्पेशालिटी हॉस्पिटल व मेडिकल कॉलेज प्रकल्प हा 8.40 एकरामध्ये उभारला जाणार असून अंदाजे 819. 30 कोटी खर्च अपेक्षित आहे. यासाठी सी एस आर निधींचाही प्रयत्न केला जाणार आहे.
एकूण 500 खाटांचे हे रुग्णालय असून तळ मजला अधिक 9 मजली असणार आहे. या ठिकाणी कर्करोग हृदय रोग, मेंदू अश्या अनेक मोठमोठ्या आजारांवर उपचार केले जाणार आहेत. सदरच्या क्षेत्रफळामध्ये पीजी/नर्सिंग शैक्षणिक वसतिगृह, पदव्युत्तर शैक्षणिक संकुल, अभियांत्रिकी यार्ड, रुग्णांसोबत येणाऱ्या नातेवाईकांना राहण्याकरिता धर्मशाळा, नर्सिंग वसतिगृह, अभ्यागत केंद्र, पदव्युत्तर विद्यार्थी वसतिगृह, वाहनतळ व इतर अनेक सुविधा उपलब्ध होणार आहे. तसेच सदर उभारल्या जाणाऱ्या सुपर स्पेशालिटी हॉस्पिटल व मेडिकल कॉलेजवर पूर्ण नियंत्रण हे नवी मुंबई महानगरपालिकाचे असणार आहे व सदर प्रकल्पामध्ये अजून काही सुविधा व उपाय करता येईल का याविषयी सूचना आयुक्तांनी संबंधित अधिकाऱ्यांना केल्या.
या बाबत आमदार म्हात्रे यांनी गुरुवारी पत्रकार परिषद घेत माहिती दिली. पुढील काही वर्षात नवी मुंबईत होणारा सुपर स्पेशालिटी हॉस्पिटल व मेडिकल कॉलेज नवी मुंबईकरांसाठी क्रांती ठरेल. तसेच नवी मुंबई हद्दीतील रुग्णांना उपचाराकरिता बाहेर जाण्याची गरज भासणार नाही. यामुळे रुग्णांचा वेळ व पैसा वाचणार आहे. तसेच स्थानिक नागरिकांना रोजगार निर्माण आहे.सदर प्रकल्प हा महापालिका आयुक्त राजेश नार्वेकर, सिडको व्यवस्थापकीय संचालक संजय मुखर्जी व नवी मुंबई महानगरपालिका, सिडको मधील संबंधित अधिकाऱ्याच्या प्रयत्नांमुळे उभा राहणार आहे. लवकरच सुपर स्पेशालिटी हॉस्पिटल व मेडिकल कॉलेज उभारणीची प्रक्रिया पूर्ण होणार असल्याची यावेळी आ. म्हात्रे यांनी सांगितले.
.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai