Breaking News
नवी मुंबई : वाशी येथे फादर सी. रॉड्रिग्स इन्स्टिट्यूट ऑफ टेक्नॉलॉजीच्या वतीने जागतिक आघाडीच्या फ्रोनियस इंडिया प्रायव्हेट लिमिटेड कंपनीच्या सहकार्याने वेल्डिंगसाठी अत्याधुनिक स्किल डेव्हलपमेंट सेंटरची स्थापना शुक्रवार 19 मे रोजी करण्यात आली आहे. या सेंटरमध्ये प्रात्यक्षिकांच्या माध्यमातून वेल्डिंग आणि त्याचा विविध उद्योगांवरील होणारा परिणाम याबाबत विद्यार्थ्यांना मार्गदर्शन केले जाणार आहे. सेंटरमध्ये वेळोवेळी विद्यार्थ्यांसाठी कार्यशाळा, चर्चासत्रांचे आयोजन करण्यात येणार आहे.
या सेंटरच्या उद्घाटनप्रसंगी फ्रोनियस इंडियाचे व्यवस्थापकीय संचालक व्ही. कामथ, क्रिस्टल इंडस्ट्रियल सिंडिकेट प्रायव्हेट लिमिटेड चे संचालक पृथ्वी हेगडे, ईएलसीए लॅबोरेटीजचे संचालक एन. कल्याण, ऍग्नल टेक्निकल एज्युकेशन कॉम्प्लेक्स वाशीचे व्यवस्थापकीय संचालक फादर आल्मेडा तसेच फादर सेबी, डॉ. एस. एम. खोत, डॉ. निलज देशमुख व डॉ. कृष्णन आदी उपस्थित होते.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai