Breaking News
प्रशासनाचे लक्ष वेधण्यासाठी 2 जूनला आंदोलन
उरण ः खोपटा पूल जंक्शन, उरण ते एनएच-4ब या सुमारे दोन अडीच किलोमीटर लांबीच्या रस्त्याचे डांबरीकरण प्रस्तावित आहे. परंतु, त्याची फाईल अंतिम मंजुरीसाठी सिडको कार्यालयात एक महिन्यापासून प्रलंबित आहे. तसेच याआधी सदर रस्त्याच्या दुरूस्तीचे काम पाच-सहा महिने रेंगाळत ठेवले होते. त्यामुळे 31 मे पुर्वी सदर कामास सुरूवात झाली नाही तर दिरंगाईकडे प्रशासनाचे लक्ष वेधण्यासाठी उरण सामाजिक संस्थेतर्फे शुक्रवारी 02 जून 2023 रोजी धरणे आंदोलन करण्यात येणार आहे.
खोपटा पूल जंक्शन, उरण ते एनएच-4ब या सुमारे दोन अडीच किलोमिटर लांबीच्या रस्त्याच्या डांबरीकरणाच्या साडेतीन कोटी रूपये कामाची फाईल अंतिम मंजुरीसाठी सिडको कार्यालयात एक महिन्यापासून प्रलंबित आहे. याआधी सदर रस्त्याच्या दुरूस्तीचे काम पाच-सहा महिने रेंगाळत ठेवून योग्यप्रकारे झालेले नाही. याबाबत उरण सामाजिक संस्थेतर्फे 12 मे 2023 धरणे आंदोलन करणार असल्याची नोटीस कार्यकारी अभियंता (द्रोणागिरी-1) यांना दिली होती. त्यावेळी सदर साडेतीन कोटी रूपयांच्या कामास लवकरात लवकर अंतिम मंजुरी मिळून ते काम लागलीच सुरू होईल अशी माहिती उरण सामाजिक संस्थेला देण्यात आली होती. त्यामुळे उरण सामाजिक संस्थेतर्फे आयोजित केलेले धरणे आंदोलन स्थगित केले होते. मात्र त्यानंतरही कोणतेच पाऊल प्रशासनाने उचललेले नाही.
सदर रस्त्याचे डांबरीकरण पावसाळ्यापूर्वी व्हावे यासाठी उरण सामाजिक संस्थे तर्फे सिडको कार्यालयात पाठपुरावा सुरु आहे. कारण पावसाळ्यात या रस्त्याची अत्यंत दूरवस्था होणार आहे. त्यामुळे प्रवाशांना, वाहनचालकांना अतोनात त्रास सहन करावा लागणार आहे. म्हणून येत्या 31 मे पुर्वी सदर कामास सुरूवात झाली नाही तर सदर रस्त्याच्या कामास होणाऱ्या दिरंगाईकडे प्रशासनाचे लक्ष वेधण्यासाठी उरण सामाजिक संस्थेतर्फे शुक्रवारी 02 जून 2023 रोजी खोपटा पूल जंक्शन, उरण येथे धरणे आंदोलन आयोजित करण्यात येणार असल्याची माहिती संस्थेचे अध्यक्ष सुधाकर पाटील यांनी दिली.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai