Breaking News
दलाल पती-पत्नीवर गुन्हा दाखल
नवी मुंबई ः कडधान्याचा व्यापार करणाऱ्या एका व्यापाराची कोट्यावधी रुपयांची फसवणूक प्रकरणी एपीएमसी पोलीस ठाण्यात तक्रार दाखल करण्यात आलेली आहे. फसवणूक करणाऱ्या दलालाने मोठ्या प्रमाणात मसूर डाळ खरेदी करून देयक न देता पोबारा केला आहे. या फसवणुकीत त्याच्या पत्नीचाही हात असून दलाल सांगून स्वतःच व्यापार करत असल्याचे उघड झाले आहे.
मुंबईतील मे. पोद्दार ग्लोबल प्रा.लि. कंपनीमध्ये सेल्स मॅनेजर म्हणून काम करणाऱ्या निशीत बजोरिया हा कडधान्ये व इतर कृषी मालाच्या खरेदी विक्रीचे काम करत होता. 2021 पासून एपीएमसी मार्केटमधील शुभमंगल कमोडिटीस या फर्मसोबत त्याने व्यापार सुरू केला होता. दरम्यान, निशीत बजोरिया याने संधी साधत स्वत:ची मे. परफेक्सो इनोव्हेशन्स प्रा. लि. ही कंपनी मे.पोद्दार ग्लोबल कंपनीशी संलग्न कंपनी असल्याचे भासवले होते. त्यानंतर त्याने या कंपनीच्या माध्यमातून एपीएमसी मार्केटमधील व्यापाऱ्यांसोबत कडधान्याचा कोट्यवधी रुपयांचा परस्पर व्यवहार सुरू केला होता. 17 ऑगस्ट ते 11 नोहेंबर दरम्यान त्याने विविध कंपन्यांच्या नावाने कोट्यवधी रुपयांचा टनवरी मसूर उचलला, मात्र त्याचे देयके दिली नाहीत. त्यासाठी त्याच्याशी संबंधितांनी संपर्क केला, मात्र संपर्क होऊ न शकल्याने ज्या ज्या फर्मच्या नावाने मसूर उचलला त्यांच्याशी चौकशी केली असता आम्ही मसूर मागावलाच नाही शिवाय त्याने आमचीही फसवणूक केली असल्याचे सांगण्यात आले. व्यापाऱ्यांना माल देण्याच्या बहाण्याने कोट्यवधी रुपयांचे पैसे थकवून त्याने पलायन केले आहे. त्यामुळे या प्रकरणी आता एपीएमसी पोलिस ठाण्यात तक्रार दाखल करण्यात आली आहे.
ठकसेन निशीत याने मे. पोद्दार ग्लोबल प्रा.लि. कंपनीत गैरव्यवहार केल्याने त्याच्याविरोधात मुंबईतील एमआरए मार्ग तसेच खालापूर पोलिस ठाण्यात गुन्हा दाखल करण्यात आला आहे. तसेच निशीत याने अकोला येथील कुशल अगरवाल यांची देखील 8.56 कोटींची फसवणूक केली असल्याने अकोला येथील रामदास पेठे पोलिस ठाण्यात त्याच्याविरोधात गुन्हा दाखल आहे. आता एपीएमसी पोलीस ठाण्यात ही त्याच्या विरोधात फसवणुकीचा गुन्हा दाखल केला आहे. तसेच औरंगाबाद येथील मनीषकुमार चेचानी यांचीदेखील 3.39 कोटी रुपयांची फसवणूक केली असल्याने आणखी काही व्यापाऱ्यांची फसवणूक झाली असल्याचा संशय व्यक्त केला जात आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai