Breaking News
एशियाटिक ग्रंथालयात चार हजार पुस्तके काही तासात विक्रीला
मुंबई ः देशातील प्रसिद्ध ग्रंथालय म्हणून नावलौकीक असलेल्या एशियाटिक सोसायटी ऑफ मुंबई या संस्थेने त्यांच्याकडील दुर्मिळ पुस्तके विक्रीसाठी काढली होती. सदर पुस्तकांचे प्रदर्शन आणि विक्री ही सदर संस्थेच्या दरबार हॉलमध्ये 5 ते 18 मे या कालावधीत होणार होते मात्र पुस्तकप्रेमींनी दिलेल्या उत्स्फुर्त प्रतिसादामुळे काही तासातच हे प्रदर्शन व विक्री संपले.
मुंबईतील कफ परेड येथे इंग्रजांनी द एशियाटिक सोसायटी ऑफ मुंबई या संस्थेची स्थापना करुन त्यांच्यामार्फत मुंबईकरांसाठी मोठे अत्याधुनिक ग्रंथालय वाचनासाठी उपलब्ध करुन दिले होते. या संस्थेला निरनिराळ्या दात्यांनी हजारो पुस्तके भेट म्हणून दिलेली आहेत. यातील बरीचशी पुस्तके ही कालबाह्य असल्याने संस्थेने या पुस्तकांची विल्हेवाट लावण्याचा निर्णय घेतला आहे. ही पुस्तके परत घेऊन जावीत म्हणून संस्थेतर्फे देणगीदारांना अनेक विनंत्या करण्यात आल्या. परंतु, त्यांच्याकडून सकारात्मक प्रतिसाद न मिळाल्याने संस्थेच्या कार्यकारी मंडळाने 21 एप्रिल रोजी सदर पुस्तकांचे प्रदर्शन भरवून ती विकण्याचा निर्णय घेतला आहे. यासाठी 5 ते 18 मे या कालावधीत संस्थेच्या दरबार हॉलमध्ये हे प्रदर्शन जाहीर केले होते. मात्र पुस्तकप्रेमींनी दिलेेल्या अभुतपुर्व प्रतिसादामुळे काही तासात चार हजार पुस्तकांची विक्र्री होऊन हे प्रदर्शन संपले. विक्री प्रदर्शन सुरु होताच काही मिनिटांत दरबार हॉलपासून लांबलचक रांगा लागली होती. अनेकांना रांगा लावूनही निराश होऊन परतावे लागले. महाविद्यालयीन विद्यार्थ्यांचा प्रतिसाद अधिक होता. त्याचबरोबर नोकरदारवर्ग, वकिलांपासून गृहिणींपर्यंत विविध स्तरातील ग्राहकांनी या प्रदर्शनाला भेट दिली.
पुस्तकप्रेमींनी दिलेेल्या अभुतपुर्व प्रतिसादामुळे काही तासात चार हजार पुस्तकांची विक्र्री होऊन हे प्रदर्शन संपले. विक्री प्रदर्शन सुरु होताच काही मिनिटांत दरबार हॉलपासून लांबलचक रांगा लागली होती. अनेकांना रांगा लावूनही निराश होऊन परतावे लागले.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai