Breaking News
लोकार्पणाविना बेलापुर-पेंधर मेट्रो सेवेत दाखल
नवी मुंबई : बहुप्रतिक्षित असलेल्या नवी मेट्रोचा प्रवास अखेर उद्धाटनाशिवाय सुरु करण्यात आला आहे. या मार्गावरील स्थानकांची कामे पुर्ण होऊनही उद्घाटनाअभावी नागरिकांना या सेवेचा लाभ घेता येत नव्हता. पंतप्रधान मोदी यांच्या हस्ते उद्धाटन होणार म्हणून तीन वेळा या सेवेचे लोकार्पण पुढे ढकलले. अखेर उद्धाटनाला मुहुर्त व अतिथींना वेळ न मिळाल्याने 17 नोव्हेंबर रोजी विना सोहळा मेट्रो सेवेत दाखल झाली. दिर्घकाळ रखडलेली ही सेवा प्रत्यक्षात सुरु झाल्याने नवी मुंबईकरांचे मेट्रोची सफर करण्याचे स्वप्न पुर्ण झाले आहे.
मुख्यमंत्री एकनाथ शिंदे यांच्या निर्देशानुसार उद्घाटनाची औपचारिकता न करता बेलापूर ते पेंधर दरम्यान मेट्रोचा पहिला टप्पा 17 नोव्हेंबरपासून प्रवासी वाहतुकीसाठी खुला करण्याचा निर्णय सिडकोचे व्यवस्थापकीय संचालक अनिल डिग्गीकर यांनी घेतला. दीर्घकाळ रखडलेला बेलापूर ते पेंधर हा मेट्रोचा पहिला टप्पा गेल्या वर्षभरापासून प्रवासी वाहतुकीसाठी सज्ज आहे. या मार्गावर एकूण 11 स्थानकांसह तळोजा पांचनंद येथे आगार (डेपो) आहेत. मेट्रोचे संचालन करण्यासाठी सिडकोने महामेट्रोची नियुक्ती केली आहे. त्यानुसार मेट्रोचा पहिला टप्पा प्रवासी वाहतुकीसाठी खुला करण्याची सर्व तयारी महामेट्रोने पूर्ण केली आहे. परंतु, केवळ उद्घाटनाच्या सोपस्कारासाठी हा प्रवास रखडला होता. नागरिकांमधून नाराजीचे सूर उमटू लागल्याने मेट्रो आता धावू लागली आहे. बेलापूर ते पेंधर दरम्यान दोन्ही स्थानकांतून दुपारी तीन वाजता पहिली मेट्रो धावली. 18 नोव्हेंबरपासून पेंधर ते बेलापूर टर्मिनल आणि बेलापूर टर्मिनल ते पेंधर दरम्यान सकाळी सहा वाजता पहिली मेट्रो धावणार असून, दोन्ही बाजूंकडून मेट्रोची शेवटची फेरी रात्री दहा वाजता होणार आहे. विशेष म्हणजे प्रत्येक 15 मिनिटांच्या अंतराने मेट्रो धावणार आहे.
मेट्रोच्या रूपाने नवी मुंबईकरांना जलद, पर्यावरणपूरक आणि आरामदायी परिवहनाचा एक सक्षम पर्याय उपलब्ध होणार असून सीबीडी बेलापूरसह वेगाने विकसित होत असलेल्या खारघर, तळोजा नोड्सना मेट्रोद्वारे उत्तम कनेक्टिव्हिटी लाभणार आहे. नवी मुंबईच्या आंतरराष्ट्रीय शहर या लौकिकाला साजेशी उत्तम आणि सक्षम परिवहन व्यवस्था मेट्रोद्वारे निर्माण होणार आहे. - अनिल डिग्गीकर, उपाध्यक्ष तथा व्यवस्थापकीय संचालक, सिडको
तिकीटाचे दर
स्थानक
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai