Breaking News
मुंबई : शिवसेनेचे प्रमुख नेत्यापैकी एक असलेले एकनाथ शिंदे यांनी बंड पुकारलं आहे. शिवसेनेच्या प्रमुख नेत्यांकडून एकनाथ शिंदे यांची मनधरणी करण्याचे सर्वोतोपरी प्रयत्न सुरु आहेत. शिवसेनेपाठोपाठ आता काँग्रेसमधीलही काही आमदार नॉट रिचेबल झाले आहेत. यामुळे महाविकास आघाडीला मोठा झटका बसला आहे. महाराष्ट्रात राजकीय नाट्याच्या प्रचंड घडामोडी सुरु आहेत.
सूत्रांनी दिलेल्या माहितीनुसार, राज्यात काल नुकत्याच विधान परिषदेच्या 10 जागांसाठी निवडणूक पार पडली. या निवडणुकीत पुरेशी मतं असूनही महाविकास आघाडीच्या एका उमेदवाराचा पराभव झाला. काँग्रेसचे उमेदवार चंद्रकांत हंडोरे यांचा पराभव झाला. विशेष म्हणजे शिवसेनेचे दोन्ही उमेदवार हे या निवडणुकीत अगदी काठावर पास झाले. या निवडणुकीमुळे काँग्रेसमध्येही मोठी खळबळ उडाली आहे. काँग्रेसचे अनेक आमदार नाराज आहेत. तसेच काँग्रेसच्या काही आमदाराचे मते या निवडणुकीत फुटल्याचा अंदाज वर्तवण्यात येत होता. विशेष म्हणजे महाविकास आघाडीची तब्बल 21 मतं फुटल्याची चर्चा होती. त्यामुळे काँग्रेसमध्ये अंतर्गत असंतोष निर्माण झाल्याची बातमी समोर आली होती. विधान परिषदेच्या निवडणुकीत कोणाची मतं फुटली या विषयावर चर्चा करण्यासाठी आज मुंबईत बैठक बोलावण्यात आली होती. या दरम्यान काँग्रेसचे पाच आमदार हे नॉट रिचेबल असल्याची माहिती सूत्रांनी दिली आहे. त्यामुळे महाराष्ट्राच्या राजकारणात खळबळ उडाली आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai