Breaking News
नवी मुंबई ः शासनमान्य सार्वजनिक ग्रंथालयांच्या सर्वांगिण विकासासाठी भारत सरकारच्या सांस्कृतिक कार्य विभागांतर्गत राजा राममोहन रॉय ग्रंथालय प्रतिष्ठान, कोलकत्ता यांच्या समान निधी व असमान निधी योजनेंतर्गत राबविल्या जाणाऱ्या अर्थसहाय्याच्या विविध योजनांचा लाभ घेण्यासाठी सर्व शासनमान्य सार्वजनिक ग्रंथालयांनी आपले प्रस्ताव महाराष्ट्र राज्याच्या मुंबई ग्रंथालय संचालनालयाच्यामार्फत 30 नोव्हेंबर 2023 पर्यत सादर करावे, असे आवाहन ग्रंथालय संचालनालयाचे संचालक दत्तात्रेय क्षीरसागर यांनी केले आहे.
शासनातर्फे सन 2023-2024 साठी विविध समान व असमान निधी योजनांचा लाभ घेण्यासाठी राज्यातील शासनमान्य सार्वजनिक ग्रंथालयांकडून विहित नमुन्यात प्रस्ताव मागविण्यात येत असून, त्या संदर्भातील नियम, अटी, व अर्जाचा नमुना प्रतिष्ठानच्या संकेतस्थळावर उपलब्ध करुन देण्यात आला आहे. सन 2023- 2024 या आर्थिक वर्षाकरीता समान निधी योजनेचा लाभ घेण्याकरीता ग्रंथालयाच्या इमारतीचे बांधकाम व विस्तार अर्थसहाय्य योजना रु. 25.00 लाख आहे. या योजने व्यतिरिक्त समान निधी योजनेंतर्गत इतर योजनांचा लाभ केंद्रीय पध्दतीने देण्यात येत असल्यामुळे इतर योजनेसाठीचे प्रस्ताव सादर करु नये.
सन 2022- 2023 साठी समान निधी योजना बाबत निकष पुढील प्रमाणे आहेत.
1. ग्रंथालय सेवा देणाऱ्या स्वयंसेवी संस्थांना ग्रंथ, साधन सामुग्री, फर्निचर, इमारत बांधकाम व विस्तार यासाठी अर्थसहाय्य (फर्निचर खरेदी रु. 4.00 लाख व इमारत बांधकाम रु.10.00 ते 15.00 लाख)
2. राजा राममोहन रॉय ग्रंथालय प्रतिष्ठान “ज्ञान कोपरा ” विकसित करण्यासाठी अर्थसहाय्य ( रु.2.50 लाख व विशेष अर्थ सहाय्य आधुनिकीकरण रु.2.00 लाख)
3. महोत्सवी वर्ष जसे 50/60/75/100/125/150 वर्ष साजरे करण्यासाठी अर्थसहाय्य ( रु.6.00 लाख / व इमारत विस्तार रु.10.00 लाख)
4. राष्ट्रस्तरीय चर्चासत्र, कार्यशाळा, प्रशिक्षण वर्ग व जागरुकता कार्यक्रम आयोजनासाठी अर्थसहाय्य (रु. 1.50 लाख,/ रु.2.50 लाख/ रु.3.00 लाख)
5. बाल ग्रंथालय व राजा राममोहन रॉय ग्रंथालय “बाल कोपरा स्थापन ” करण्यासाठी अर्थसहाय्य ( रु.6.80 लाख)
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai