Breaking News
नवी मुंबई ः राष्ट्रवादी काँग्रेस पार्टी शरदचंद्र पवार या गटाची नवी मुंबई जिल्ह्याच्या नवीन कार्यकारिणीची घोषणा करण्यात आली. 29 फेब्रुवारी रोजी जिल्हाध्यक्ष चंद्रकात पाटील यांनी कार्यकारीणी जाहीर करुन नवनिर्वाचित पदाधिकाऱ्यांना शुभेच्छा देऊन लवकरच वॉर्ड निहाय बुथकमिट्या जाहीर करण्याचे आव्हान केले.
नवी मुंबई स्पोर्टस असोशिएशन वाशी येथे झालेल्या नवी मुंबई जिल्हा राष्ट्रवादी काँग्रेस पार्टी- शरदचंद्र पवार कार्यकारिणी मिटिंग मध्ये जिल्हाध्यक्ष चंद्रकात रामदास पाटील यांनी जिल्ह्याची नवीन कार्यकारिणी जाहीर केली. यामध्ये शहर अध्यक्ष पदी रुपेश ठाकुर (अजित दादा पवार गटातुन प्रवेश), बेलापुर विधानसभा अध्यक्षपदी राहुल लहू म्हात्रे, उपाध्यक्ष व प्रवक्ते पदी नगरसेवक राजु शिंदे तसेच उपजिल्हाध्यक्ष-14, जिल्हा चिटणीस-06, जिल्हा सरचिटणीस-08, तालुका अध्यक्ष-10,तालुका कार्याध्यक्ष-06 ही पदे जाहीर केली.
येणाऱ्या सार्वत्रिक लोकसभा निवडणुकीच्या अनुशंगाने जिल्हाध्यक्ष पाटील यांनी पक्षाला मिळालेले “तुतारी वाजवणारा माणुस” हे चिन्ह नवी मुंबईतील घरा-घरात पोहचविण्याचे आव्हान केले नवनिर्वाचित पदाधिकाऱ्यांना शुभेच्छा देऊन लवकरच वॉर्ड निहाय बुथकमिट्या जाहीर करणार असल्याचे सांगितले. यावेळी कार्यकर्ते मोठया प्रमाणात उपस्थित होते.
कार्यकारीणी सदस्य
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai