Breaking News
नवी मुंबई : देशातील पहिली सामाजिक ऐक्य परिषद घेण्याचा मान नवी मुंबई शहराला लाभला आहे. दि. मंगेश आमले इनिशेटिव्ह यांच्यावतीने 28 जुलै 2024 रोजी सिडको एक्झिबिशन सेंटर, वाशी येथे या परिषदेचे आयोजन करण्यात आले आहे. या परिषदेचे अध्यक्षपद शरदचंद्रजी पवार साहेब भूषविणार असून समाजातील वेगवेगळ्या घटकांना समानता व ऐक्य याबाबत मोलाचे मार्गदर्शन करणार आहेत.
या कार्यक्रमाची माहिती देण्याकरीता पत्रकार परिषदेचे आयोजन करण्यात आले होते. यावेळी पत्रकारांशी संवाद साधताना परिषदेचे निमंत्रक व स्वागताध्यक्ष डॉ. मंगेश आमले यांनी सांगितले की ‘देशातील पहिली वहिली सामाजिक ऐक्य परिषद घेण्याचा मान आपल्या नवी मुंबई शहराला लाभलेला आहे. ही गोष्ट आपल्या सर्व नवी मुंबईकरांसाठी भुषणावह आहे. आज अशी परिस्थिती आहे की आपला देश जाती व धर्म मध्ये विखुरलेला जात आहे. त्यामुळे सामाजिक ऐक्य परिषद आयोजित करून समानता व ऐक्याचा विचार देण्याचा प्रयत्न आम्ही करीत आहोत. यावेळी सर्वच जाती धर्मांच्या नागरिकांना आमंत्रित करण्यात आले असून या माध्यमातून सर्व धर्म समभाव साधला जाणार आहे. 28 जुलै 2024 रोजी सिडको एक्झिबिशन सेंटर, वाशी येथे सायं. 4 वाजता ही परिषद होणार आहे. या परिषदेला राष्ट्रवादी काँग्रेस पक्षाचे शरदचंद्र पवार, प्रदेशाध्यक्ष जयंत पाटील, विधान परिषद सदस्य शशिकांत शिंदे, आमदार जितेंद्र आव्हाड, आमदार रोहित पवार, विविध राजकीय पक्षाचे मुख्य पदाधिकारी,समाजघटकांचे प्रतिनिधी व इतर मान्यवर उपस्थित राहणार आहेत.
ही परिषद आयोजित करण्याचा मान दि.मंगेश आमले इनिशेटिव्ह व कार्यकारणीला देण्यात आला असल्याने याबद्दल मी समाजातील जे वेगवेगळे घटक आहे ज्यांनी आम्हाला पाठिंबा व पाठबळ दिले त्यांचे मी धन्यवाद मानतो.-डॉ. मंगेश आमले
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai