Breaking News
मुख्यमंत्र्यांनी मांडलेले विधेयक विधानसभेत मंजूर
मुंबई ः विधानसभेच्या पावसाळी अधिवेशनात मुख्यमंत्री एकनाथ शिंदे यांनी थेट जनतेतून सरपंच, नगराध्यक्ष निवडीचे विधेयक मांडले आणि ते विधानसभेत मंजूर देखील झाले आहे. सरकारने हा जो निर्णय घेतला आहे तो असाच घेतला नसून जनतेचं मत जाणून घेऊनच घेतला असल्याचं मुख्यमंत्र्यांनी बोलताना सांगितले.
तीन दिवसांच्या सुट्टीनंतर महाराष्ट्र विधिमंडळाच्या पावसाळी अधिवेशनाचं आज नियमित कामकाज सुरु झाले. आज अधिवेशनाचा तिसरा दिवस आहे. दरम्यान आता थेट जनतेतून नगराध्यक्ष निवडला जाणार आहे, बहुमताने विधानसभेत हे विधेयक मंजूर झाले आहे. नगराध्यक्ष आणि सरपंचांची निवड ही थेट जनतेतून करावी अशी मागणी जनतेचीच होती, आमचा काही अजेंडा नाही असे यावेळी मुख्यमंत्री शिंदे म्हणाले. या विधेकाला विरोधकांनी कडाडून विरोध केला. मात्र, मुख्यमंत्री शिंदे यांनी जोरदार भूमिका मांडली. तसेच महाराष्ट्र नगरपरिषद आणि नगरपंचायत औद्योगिक नगरी पंचायत विधेयक 2022 संमत करावं असा प्रस्ताव मुख्यमंत्र्यांनी मांडला आणि हे विधेयक बहुमताने मंजूर झाले.
सरकारच्या या निर्णयावर मुख्यमंत्र्यांचीही निवड जनतेतून करा अशी मागणी विरोधीपक्ष नेते अजित पवार यांनी केली होती. त्यावर उत्तर देताना मुख्यमंत्री म्हणाले की, घटनेच्या तरतुदीनुसार आपण नगराध्यक्षाची निवड करत असतो आणि त्यासंदर्भातील अधिकार राज्याला दिले आहेत. त्यामुळे आपण यामध्ये बदल करू शकत नाही असं मुख्यमंत्री म्हणाले आहेत. राज्यातील 9 हजार ग्रामपंचायतींनी थेट जनतेतून सरपंच निवडीची मागणी केली आहे. त्यामुळे आम्ही त्यांचे ऐकतो, त्यावरून हा निर्णय घेतला आहे असून आमचं सरकार सक्षम आहे. आम्ही बहुमताच्या जोरावर काम करणार नसून विरोधकांचा मान ठेवून काम करणार आहोत असं ते म्हणाले.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai