Breaking News
पंतप्रधान नरेंद्र मोदी यांनी दाखवला हिरवा झेंडा
मुंबई : पंतप्रधान नरेंद्र मोदी यांनी शुक्रवारी वंदे भारत एक्स्प्रेसला हिरवा झेंडा दाखवला. सीएसएमटी ते सोलापूर आणि मुंबई ते शिर्डी दरम्यान या मार्गावर या दोन्ही वंदे भारत एक्स्प्रेस धावणार आहेत. या उद्घाटनानंतर पंतप्रधान मोदी यांनी उपस्थितांना संबोधित केले.
पंतप्रधान मोदी यांनी आपल्या भाषणाची सुरूवात मराठीतून केली. रेल्वेच्या क्षेत्रात मोठी क्रांती होत आहे, देशाला आज नववी आणि दहावी वंदे भारत ट्रेन समर्पित करताना मला खूप आनंद होत आहे. आजचा दिवस भारतीय रेल्वे आणि मुंबईच्या कनेक्टिव्हिटीसाठी मोठा दिवस आहे, असे मोदी यावेळी मराठीतून बोलले. या दोन्ही वंदे भारत ट्रेन मुंबई आणि पुणे या देशातील मोठ्या शहरांना जोडणार आहेत. यामुळे महाराष्ट्रातील पर्यटन आणि तीर्थक्षेत्रांना चालना मिळेल.
आज रेल्वेच्या क्षेत्रात मोठी क्रांती झाली आहे. देशात आधुनिक रेल्वे सुरू करण्यात आल्या आहेत. मेट्रोचा विस्तार होत आहे. नवे विमानतळ आणि बंदरे तयार केली जात आहेत. भारताच्या इतिहासात पहिल्यांदा 10 लाख कोटी रुपये भारतातील पायाभूत सुविधांच्या विकासासाठी देण्यात आले आहेत. पायाभूत सुविधांमुळे मोठ्या प्रमाणात रोजगार निर्मिती होईल असे नरेंद्र मोदी म्हणाले. देशाला आज नववी आणि आणि दहावी वंदे भारत एक्सप्रेस अर्पण करताना मला आनंद होत आहे. आज पहिल्यांदाच दोन वंदे भारत एक्सप्रेसचे लोकार्पण झाले आहे. या वंदे भारत ट्रेन मुंबई आणि पुणे सारख्या मोठ्या शहरांना जोडणार आहेत, असे पंतप्रधान मोदी म्हणाले.
वैशिष्ट्ये
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai