Breaking News
उरण ः 1 मे 2023 रोजी महाराष्ट्र दिन आणि कामगार दिना निमित्त उरण नगर परिषद कार्यालय येथे सफाई कामगार तसेच सर्व कर्मचाऱ्यांकरीता आरोग्य शिबिर भरवण्यात आले होते. श्री पॅथॉलॉजी लॅबोरेटरीच्या प्रोप्रायटर डॉ. नयना ठाकूर यांच्या सौजन्याने आणि वुई क्लब उरण, म्युनिसिपल एम्प्लाईज युनियन आणि शुश्रूशा सुपर स्पेशालिटी हॉस्पिटल, पनवेल यांच्या सहकार्याने हे शिबीर आयोजित केले होते.
राज्यभरात महाराष्ट्र दिन व कामगार दिवस मोठ्या उत्साहात साजरा झाला. कामगारांकरीता विविध कार्यक्रमाचे आयोजन करण्यात आले होते. उल्लेखनिय कामगिरी करणाऱ्या कामगारांचा सत्कार करुन त्यांना प्रोत्साहन देण्यात आले. उरण नगर परिषदेमध्येही कामगार दिन मोठ्या दिमाखात साजरा झाला. कामगारांच्या आरोग्यासाठी आरोग्य शिबिराचे आयोजन करण्यात आले होते. या कार्यक्रमाचे उद्घाटन उरण नगरपरिषदेचे मुख्याधिकारी राहूल इंगळे यांच्या हस्ते झाले. या प्रसंगी ज्येष्ठ नेत्र चिकित्सक तज्ञ, जे जे हॉस्पिटलचे डिन म्हणून सर्वाधीक काळ काम पाहणारे डॉ. तात्यासाहेब लहाने उपस्थित होते. तसेच म्युनिसिपल एम्प्लाईज युनियनचे कार्याध्यक्ष संतोष पवार, डॉ. बी एम कालेल वैद्यकीय अधीक्षक, तालूका आरोग्य अधिकारी डॉ. ईटकरे, शिवसेना उपजिल्हाप्रमुख नरेश रहाळकर, माजी नगराध्यक्ष रवी भोईर, वुई आरती भाटिया, जैन मॅडम, काटदरे मॅडम, अनिल जगधनी, उरण नगरपरिषद पतपेढीचे चेअरमन मधुकर भोईर, सागर चौकार, म्युनिसिपल एम्प्लाईज युनियनचे उपाध्यक्ष हरेश जाधव, धनेश कासारे, दत्ता मोरे, नरेश पावसकर धनंजय आंब्रे, विशाल गायकवाड आणि मोठ्याप्रमाणात सफाई कामगार तसेच इतर कर्मचारी उपस्थित होते.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai