पावसाळी मदतकार्यासाठी पालिका सज्ज

by Aajchi Navi Mumbai
Jun 05, 2023
56

8 विभाग कार्यालये व 5 अग्निशमन केंद्रात आपत्ती नियंत्रण कक्ष सुरु

नवी मुंबई ः पावसाळी कालावधीच्या दृष्टीने नवी मुंबई महापालिकेच्या सर्व विभागांनी व महापालिका क्षेत्रातील सर्व प्राधिकरणांनी परस्पर समन्वय राखून आपत्ती उद्भवल्यास नागरिकांना कोणत्याही प्रकारचा त्रास होणार नाही अशाप्रकारे दक्षतेने कार्यवाही करण्याचे निर्देश दिले होते. त्या अनुषंगाने सर्व प्राधिकरणांनी पावसाळापूर्व कामे केली असून आपापली दक्षता पथके स्थापन केली आहेत.

नवी मुंबई महापालिकेनेही आठही विभाग कार्यालये तसेच परिमंडळ निहाय 5 अग्निशमन केंद्रे याठिकाणी आपत्ती नियंत्रण कक्ष 1 जून पासून कार्यान्वित केले आहेत. या नियंत्रण कक्षाव्दारे आपत्ती काळात तात्काळ मदत पुरवली जाणार असून हे सर्व कक्ष 30 सप्टेंबर 2023 पर्यंत 24द7 अहोरात्र कार्यरत असणार आहेत. पावसाळा कालावधी वाढल्यास त्यानुसार हे कक्ष नंतरही कार्यरत राहतील. याठिकाणी अधिकारी, कर्मचारी यांच्या नेमणूका करण्यात आल्या असून मदत कार्यासाठी आवश्यक मनुष्यबळ व साहित्य पुरविण्यात आलेले आहे. याशिवाय नवी मुंबई महापालिकेचे 365 दिवस 24 तास कार्यरत असणारे महापालिका मुख्यालयातील प्रादेशिक आपत्ती निवारण केंद्र तथा तात्काळ कृती केंद्र अधिक प्रभावीपणे कार्यरत राहणार असून त्याठिकाणीही नागरिक दूरध्वनी करून आपत्ती प्रसंगात आपल्या अडचणी नोंदवू शकतात. त्याठिकाणाहून संबंधितांना तत्पर सूचना देऊन अडचणींचे निवारण करण्यात येणार आहे. तात्काळ कृती केंद्रामध्ये 022 27567060, 27567061 हे दूरध्वनी क्रमांक तसेच 1800222309 आणि 1800222310 हे 2 विनामूल्य टोल फ्री क्रमांक कार्यान्वित असून नागरिक यापैकी कोणत्याही क्रमांकावर संपर्क साधू शकतात.

याशिवाय आठही विभाग कार्यालयांमध्ये आपत्ती नियंत्रण कक्ष सुरु करण्यात आले असून बेलापूर 022 27570610, 27573826, नेरूळ 022 - 27707669, वाशी 022 27655370, 27659740, तुर्भे 022 27754061, कोपरखैरणे 022 27542406, घणसोली 022 27692489, ऐरोली 022 27792114, दिघा - 9970774040 अशा विभागनिहाय दूरध्वनी क्रमाकांवर संपर्क साधून नागरिक मदत मागू शकतात. त्याचप्रमाणे पाचही अग्निशमन केंद्रामध्ये आपत्ती नियंत्रण कक्ष सुरू करण्यात आले असून सीबीडी अग्निशमन केंद्रात 022 27572111, नेरूळ अग्निशमन केंद्रात 022- 27707101, वाशी मध्यवर्ती अग्निशमन केंद्रात 022 27894800 व 27895900 , कोपरखैरणे अग्निशमन केंद्रात 022 - 27541101 आणि ऐरोली अग्निशमन केंद्रात 022- 27792400 व 27795200 हे दूरध्वनी क्रमांक नागरिकांना तत्पर सेवा पुरविण्यासाठी उपलब्ध आहेत.