कचऱ्यातून गॅस व विद्युत निर्मितीची चाचपणी

कचऱ्यातून गॅस व विद्युत निर्मितीची चाचपणी

by Aajchi Navi Mumbai
Nov 03, 2023
366

पर्यावरणपूरक प्रकल्पासाठी पालिका प्रयत्नशील

नवी मुंबई ः पालिकेचा तुर्भे येथील अत्याधुनिक घनकचरा व्यवस्थापन प्रकल्प हा पर्यावरणपूरक प्रकल्प म्हणून राष्ट्रीय पातळीवर नावाजला जात आहे. आता नवी मुंबईत कचऱ्यापासून गॅस निर्मिती व विद्युत निर्मिती प्रकल्प राबविण्यास ओएनजीसी सारखा मान्यताप्राप्त उद्योगसमुह उत्सुक असून त्यादृष्टीने नवी मुंबई महानगरपालिका सर्वांगीण विचार करुन चाचपणी करीत आहे.

तुर्भे एमआयडीसी क्षेत्रात प्राप्त झालेल्या 36 एकर जागेमध्ये घनकचरा व्यवस्थापन नियमावली 2004 नुसार शास्त्रोक्त घनकचरा व्यवस्थापन प्रकल्प सन 2004 मध्ये कार्यान्वित करण्यात आला. जेएनएनयुआरएम अंतर्गत याठिकाणी प्रतीदिन 350 मेट्रीक टन क्षमतेचा खत प्रकल्प व औद्योगिक इंधन अर्थात आरडीएफ निर्मिती प्रकल्प सुरु करण्यात आला. घनकचरा व्यवस्थापन नियमावली 2016 लागू झाल्यानंतर यामध्ये अनुषांगिक बदल करण्यात येऊन या प्रकल्पाची क्षमता वाढविण्यात आली. कोणत्याही प्रकल्पामध्ये व कामामध्ये पर्यावरणशीलता जपण्याकडे विशेष लक्ष दिले जात असून नमुंमपा आयुक्त राजेश नार्वेकर यांच्या मार्गदर्शनाखाली तुर्भे एमआयडीसी येथील घनकचरा व्यवस्थापन प्रकल्प अधिक अद्ययावत आणि आधुनिक तंत्रयुगाला साजेसा बनविण्याच्या दृष्टीने पावले उचलली जात आहेत.

सध्या काही मोठी शहरे शासन धोरणानुसार ओल्या कचऱ्यापासून गॅस निर्मिती व विद्युत निर्मिती प्रकल्प राबविण्याची कार्यवाही करताना दिसत आहेत. केंद्र सरकारनेही देशातील तेल कंपन्यांच्या सीएसआर निधीमधून कचऱ्यापासून गॅस व विद्युत निर्मिती करणाऱ्या पर्यावरणशील प्रकल्प उभारणीवर भर देत तशा प्रकारचे आदेश निर्गमित केले आहेत. त्यानुसार बीपीसीएल, इंडीयन ऑईल, ओएनजीसी, गेल अशा कंपन्यांच्या सीएसआर निधीमधून काही शहरांमध्ये कचऱ्यापासून गॅस व विद्युत निर्मिती प्रकल्प राबविण्यास सुरुवात झालेली आहे.

घनकचरा व्यवस्थापनात नेहमीच वेगवेगळ्या स्वरुपाचे अत्याधुनिक प्रयोग करणाऱ्या नवी मुंबई महानगरपालिकेने देखील याविषयी सकारात्मक पावले उचलण्यास सुरुवात केलेली आहे. या अनुषंगाने नवी मुंबईत कचऱ्यापासून गॅस निर्मिती व विद्युत निर्मिती प्रकल्प राबविण्यास ओएनजीसी सारखा मान्यताप्राप्त उद्योगसमुह उत्सुक असून त्यादृष्टीने नवी मुंबई महानगरपालिका सर्वांगीण विचार करुन चाचपणी करीत आहे. हा प्रकल्प कार्यान्वित झाल्यास नवी मुंबई महानगरपालिका घनकचरा व्यवस्थापनात अधिक सक्षम होणार आहे.

नवी मुंबईमध्ये गॅस व विद्युत निर्मिती प्रकल्प उभारण्याची तयारी ओएनजीसीने दाखविली आहे. त्यांच्या सीएसआर निधीतून हा प्रकल्प सुरू केला जाणार आहे. हा प्रकल्प उभारण्यासाठीची कार्यवाही सुरू झाली आहे. प्रकल्पाची क्षमता त्यापासून किती गॅस व विद्युत निर्मिती होईल याविषयीचे आराखडे तयार केले जात आहे. कोपरखैरणेत निसर्ग उद्यानमनपाने कोपरखैरणे सेक्टर 14 मधील डपिंग ग्राउंडच्या जागेवर निसर्गउद्यानाची निर्मिती केली आहे. येथे 65 हजार वृक्षलावगड केली आहे. या परिसरामध्ये 7 ते 8 हजार नागरिक रोज व्यायाम करण्यासाठी येत आहेत. तुर्भेमधील घनकचरा व्यवस्थापन प्रकल्पात ओल्या कचऱ्यातून खतनिर्मिती केली जात आहे. याशिवाय औद्योगिक इंधन अर्थात आरडीएफची निर्मिती केली जात आहे. कचऱ्यावर जास्तीत जास्त प्रक्रिया करण्यावर महानगरपालिकेने भर दिला आहे. शहर अभियंता संजय देसाई व अभियांत्रिकी विभागही या प्रकल्पाच्या नियोजनामध्ये विशेष लक्ष देत आहेत.पर्यावरणपूरक प्रकल्पकचऱ्यातून ओएनजीसीच्या सहकार्यातून गॅस व विद्युतनिर्मिती प्रकल्प उभारला जात आहे. यासाठी महानगरपालिकेला काहीही खर्च करावा लागणार नाही. पर्यावरणाचे रक्षण होणार असून, मनपाला या प्रकल्पाचा फायदा होणार आहे.

महानगरपालिकेचा तुर्भेमधील 36 एकर भूखंडावर घनकचरा व्यवस्थापन प्रकल्प आहे. या ठिकाणी ओल्या कचऱ्यातून खतनिर्मिती केली जात आहे. याशिवाय औद्योगिक इंधन अर्थात आरडीएफची निर्मिती केली जात आहे. कचऱ्यावर जास्तीत जास्त प्रक्रिया करण्यावर महानगरपालिकेने भर दिला आहे.