Breaking News
सिडकोकडून 48 कोटींचा आराखडा मंजूर
पनवेलः नवीन पनवेल शहरातील विविध सेक्टरमध्ये 3 जलकुंभ आणि तीस किलो मीटर अंतरापर्यंत नव्या जलवाहिनीचे जाळे पसरण्यासाठी सिडको महामंडळाने 48 कोटीच्या आराखड्याला सोमवारी (ता. 03) तत्वतः मान्यता दिली. सिडकोच्या पाणी पुरवठा विभागाचे अधीक्षक अभियंता प्रणित मूळ यांच्या अध्यक्षतेखाली पनवेल संघर्ष समितीच्या माध्यमातून झालेल्या बैठकीत नवीन पनवेलकरांसाठी हा महत्वपूर्ण निर्णय घेण्यात आला.
नवीन पनवेल शहरासोबत खांदा कॉलनी, कळंबोली, खारघर, तळोजे फेज 1/2, कामोठे आदी शहरात जटिल बनलेल्या पाणी प्रश्नावर जवळजवळ दोन तास सविस्तर चर्चा करण्यात आली. महत्वपूर्ण चर्चेत सिडकोकडून प्रणित मूळ, महाराष्ट्र जीवन प्राधिकरणचे अधीक्षक अभियंता व्ही. के. सूर्यवंशी, कार्यकारी अभियंता के. बी. पाटील, सिडको पाणी पुरवठा विभागाचे कार्यकारी अभियंता एन. जे. चौथाने, विभागीय अभियंता सागर जगदाळे, भगवान गायकवाड, पनवेल महापालिकेचे कार्यकारी अभियंता विकास चव्हाण तर पनवेल संघर्ष समितीच्या वतीने अध्यक्ष कांतीलाल कडू आदी जण नवीन पनवेलकरांच्या पाण्यासाठी सिडको अधिकार्यांसोबतच्या बैठकीत सहभागी झाले होते.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai